«Балдарга карата зордук - зомбулукту токтотуу - биздин милдетибиз»

Тогуз-Торо райондук социалдык өнүгүү башкармалыгынын үй-бүлөнү жана балдарды коргоо бөлүмү тарабынан Кыргыз Республикасынын Өкмөтүнүн “2015-2017 жылдарга карата ырайымсыз мамилелердин жана зомбулуктун алдын алуу боюнча” буйругун турмушка ашыруу максатында "Балдарга карата зордук-зомбулукту токтотуу биздин милдетибиз” аттуу семинар өткөрдү. Аталган иш-чарада райондогу коомдук уюмдардын, айыл аймактын социалдык кызматкерлери, мектептердин социалдык педагогдору жана райондук укук коргоо органдарынын өкүлдөрү катышышты.
Семинарда балдарга карата зордук –зомбулукту алдын алуу ага каршы күрөшү жолдорун, балага карата зордук зомбулук боюнча ченемдик укуктук актылар жөнүндө түшүндүрүү иштери жүргүзүлдү.
Ошондой эле, семинарда баланы багып, тарбиялоодо ата-эненин жоопкерчилиги жогору тургандыгы, балдарын туугандарына таштап, иштеп кеткен ата-энелердин балдарына болгон мамилеси тууралуу кенен талкуу өттү.

Кыргызча

Социалдык өнүгүү министрлигинин жетекчилери онкология оорусу менен жабыркаган балдардын саламаттыгы үчүн кан беришти

2-апрелде КРнын Социалдык өнүктүрүү министрлигинин жетекчилери онкология оорусу менен жабыркаган балдардын саламаттыгы үчүн кан беришти. Бул тууралуу аталган министрликтин басма сөз кызматы билдирди. Маалыматка караганда, акция “Айкөл Ала-Тоо” коомдук бирикмесинин демилгеси менен Апрель революциясынын 5 жылдыгына карата өткөрүлгөн.
Социалдык өнүгүү министри Кудайберген Базарбаевдин айтымында, министрлик коомду гумандаштыруучу мындай акцияларга дайым катышып келет.
"Биз эки жылдан бери ден соолугунун мүмкүнчүлүктөрү чектелген балдарга ар кандай майрамдык иш-чараларды өткөрүп турабыз. Аларга өздөрү тандаган кесип боюнча ийгиликтерге жетүүнүн жолдорун айтып беребиз. Анан мындай кан тапшыруу демилгеси менен бизге кайрылышканда жок дей алган жокпуз”,- деди министр.
Super.kg

Кыргызча

Кудайберген Базарбаев: “Зордук-зомбулук маселесине катуу көңүл бөлүнөт”

– Кудайберген Базарбаевич, быйылкы жылдагы калктын аялуу катмарын социалдык коргоодогу жаңылыкты, өзгөчөлүктү айтып берсеңиз?

– Биз 2015-жылга көптөгөн иш-чараларды пландадык жана анын баарын иш жүзүнө ашырууга аракет кылабыз. Ушул жылдын 27- февралында “Кыргыз Республикасынын калкын социалдык коргоону өнүктүрүүнүн 2015-2017-жылдарга карата программасы” Өкмөттүн токтому менен бекитилди. Бул программа калктын жашоо деңгээлин жакшыртуу жана жогорулатуу максатында биздин министрлик тарабынан даярдалган. Үч жылдык мөөнөткө коюлган иш-чараларда турмуштук оор кырдаалда турган балдарды жана үй-бүлөлөрдү, ден соолугунун мүмкүнчүлүгү чектелген жана улгайган жарандарды социалдык жактан коргоо камтылган.

– Бул жылы жөлөк пулдардын өлчөмү канча сомго көбөйөт?

Кыргызча

Жалал-Абадда өз өмүрүн кыюу, зордук-зомбулук жана рэкетчиликти жоюу боюнча түшүндүрүү иштери жүрүүдө

Зордук-зомбулукка кабылган жана мыйзам бузган жашы жете элек өспүрүмдөргө түшүндүрүү иштери жүргүзүлүүдө. Бул тууралуу шаардык мэриядан билдиришти.
Белгилүү болгондой, "2014-2016-жылдарга карата жашы жетпеген өспүрүмдөрдүн арасындагы укук бузуулардын жана кылмыштуулуктун алдын алуу" жөнүндөгү шаардык комплекстүү программаны аткаруу максатында Жалал-Абад шаарында жайгашкан билим берүү мекемелеринде окуган студенттерге, окуучуларга жана ата-энелерге 2015-жылдын "Зордук-зомбулук", "Кылмыштуулуктун алдын алуу", "Рэкетчиликти жоюу", "Өз өмүрүн кыюу", "Диний экстремизм" деген темаларда түшүндүрүү иштери жүргүзүлүп, ишеним телефондор берилген.
Ошондой эле Жалал-Абад шаардык ишки иштер бөлүмү тарабынан 4 жашы жете элек балага кылмыш иши козголгон. Жалал-Абад шаардык социалдык өнүгүү башкармалыгынын балдарды коргоо бөлүмүнүн кызматкерлери жашы жете электердин тергөө амалдарына катышып, алардын укугун коргоо максатында Балдар иштери боюнча комиссиясынын кароосуна жиберилүүдө.
"Жалал-Абад шаардык соту тарабынан каралып, 2 жашы жете элек кыз ата-энесинин көзөмөлүнө жана 1 кыздын ата-энеси ажырашып, апасы Орусияда болгондугуна байланыштуу балдарды коргоо бөлүмүнүн көзөмөлүнө берилди",- деди Жалал-Абад шаардык социалдык өнүгүү башкармалыгынын башчысы А.Асанова.

Super.kg

Кыргызча

Өлкө аймагында 474 миң адам мамлекет тарабынан жөлөк пул алууда

Өлкө аймагында 474 миң адам мамлекет тарабынан жөлөк пул алууда. Бул тууралуу бүгүн, 26-мартта маалымат жыйынында КРнын Социалдык өнүктүрүү министри Кудайберген Базарбаев билдирди.
"Өлкө аймагында 25 категориядагы 474 миң адам мамлекет тарабынан жөлөк пул алууда. Аларга төлөнүп жаткан акча каражаттын суммасы 6 миллиард 560 миллион сомду түзүүдө. Былтыр жүргүзүлгөн бир катар иш-чаралардын алкагында жөлөк пул алган балдардын саны 304 миңден 307 миңге чейин жеткирилди",- дейт К.Базарбаев.
Super.kg

Кыргызча

Өлкө аймагында кароосуз калган балдардын саны 10 427 баланы түзүүдө

Өлкө аймагында кароосуз калган балдардын саны 10 427 баланы түзүүдө. Бул тууралуу бүгүн, 26-мартта маалымат жыйынында КРнын Социалдык өнүктүрүү министри Кудайберген Базарбаев билдирди.
"10 427 кароосуз калган баланын ичинен 5324 бала билим берүү мекемелерине барбай келет. 5324 баланын ичинен 5238и Ош облусунда катталган. Учурда балдарды мектепке алып баруу иштери кызуу жүрүүдө. Ички миграциянын кесепетинен туугандарына калтырылып жаткан балдардын саны 15 275 баланы түзөт",- деди К.Базарбаев.
Булак: Super.kg

Кыргызча

Бишкекте "Балдарга карата зордук-зомбулуктун алдын алуу боюнча чаралар" аттуу семинар өттү

Бишкекте "Балдарга карата зордук-зомбулуктун алдын алуу боюнча чаралар" аттуу семинар өттү. Иш-чарага Социалдык өнүгүү министрлигинин жетекчилиги, адистер, бейөкмөт уюмдардын өкүлдөрү, Балдарды коргоо боюнча эл аралык фонддун мүчөлөрү катышты. Социалдык өнүгүү министри Кудайберген Базарбаевдин айтымында, аталган маселе боюнча мигранттардын балдарына өзгөчө көңүл буруу керек. "Бул багытта министрлик тиешелүү иш-чараларды өткөрөт. Балдарга карата зордук-зомбулук жана кыйноолордун алдын алууда өзгөчө чаралар планы түзүлгөн. Ага ылайык, ар бир айыл өкмөтүндө, ар бир шаарда аз камсыз болгон үй-бүлөлөр менен иш алып барчу штабдар түзүлмөкчү",- деди министр.

Кыргызча

Pages