Министрлик 2016-жылдын 27-август айында Москвада кырсыктын айынан өрттөн каза тапкан айымдардын жетим калган балдарына атайын эсеп-счетун ачты

Эмгек жана социалдык өнүгүү министрлиги 2016-жылдын 27-август айында Москвада кырсыктын айынан өрттөн каза тапкан айымдардын жетим калган балдарына атайын эсеп-счетун ачты.

Министрилик башка бирөөнүн кайгысына кайдыгер карабаган, боорукер адамдарды жетим калган балдарга жардам берүүгө чакырат.

Төмөнкү эсеп-счету боюнча жардам берсеңиздер болот.

РЕКВИЗИТТЕР:

Министерство труда и социального развития КР

ИНН 01003199710041

Бишкекский ФОАО «РСК Банк»

Расчетный счет 1290524132820096

БИК 129052

Первомайское РОК на лицевой счет 4402011103027568

Кыргызча

Эмгек жана социалдык өнүгүү министрлиги 875,2 млн. сом жеңилдиктердин ордуна акчалай компенсацияларды төлөдү

Эмгек жана социалдык өнүгүү министрлиги 875,2 млн. сом жеңилдиктердин ордуна акчалай компенсацияларды төлөдү.

Былтыркы жылга салыштырмалуу компенсация алуучулучулардын саны 3,8% азайып, 47,8 адамды түзөт.

Учурда республикалык бюджеттен акчалай компенсациялар 25 категорияга төлөнөт. Анын ичинен Улуу Ата Мекендик согуштун катышуучуларына жана майыптарына да төлөнүп келет.

Кыргызча

Ош облусунда "Фестиваль түшүмү" өттү

Ош облусунда “Айылдагы айымдардын экономикалык мүмкүнчүлүктөрүн кеңейтүү”  программасынын алкагында “Фестиваль түшүмү” өттү.

КР Эмгек жана социалдык өнүгүү министринин орун басары Жылдыз Полотованын айтымында, Бириккен Улуттар Уюму менен биргеликте аткарылып жаткан долбоорго Ош, Жалал-Абад жана Баткен облустарынан 1 700 айымдар катышууда.   

“Долбоорго катышкан айымдардын баары социалдык мобилизацияга, лидерликке, агротехнологиялыкка окутулду. Ошондой эле аларга айыл чарба технологиясы, үрөн жана социалдык-экономикалык демилгелерге гранттар берилди. Долбоордун катышуучуларын колдоо максатында азык-түлүктөр таркатылган. Учурда аталган долбоорго дагы 1000 аялдар кошулуусу күтүлүүдө”, - дейт Ж.Полотова.

Фестивальда айылда жашаган айымдардын өз колдору менен өстүрүлгөн азык-түлүктөр, жер-жемиштер көрсөтүлгөн.

 

Кыргызча

"Балдар үчүн ишеним телефонуна - 111" 9 айдын ичинде 490 чалуулар болгон

2016-жылы 9 айдын ичинде Эмгек жана социалдык өнүгүү министрлигинин алдындагы “Балдар үчүн ишеним телефонуна “111” 490 чалуулар түшкөн. Бул тууралуу ишеним телефон Борборунун директору Марина Джапаркулова маалымдайт.

Анын айтымында, баардык чалуулардын 94тү же 20% балдардан түшкөн.

“Борборду Эмгек жана социалдык өнүгүү министрлиги ЮНИСЕФ эл аралык уюму менен биргеликте ачкан. Бул жака көбүнчө үй-бүлөнүн ичиндеги чыр чатактар, балдардын жүрүм-туруму, тарбиялоо жаатында чалуулар болот. Андан тышкары, мектептеги рэкет, балдарга карата чоңдордун адилетсиз мамилеси, кээ бирөөлөр жалгыздыкка, ата-энеси тарабынан, тең туштары тарабынан  түшүнбөстүктөргө даттанышат”, - дейт М.Джапаркулова.

Баардык чалуулар бекер жана жашыруун кабыл алынат. Борбор күнү-түнү, дем алыш күндөрсүз иштейт.

 

 

 

Кыргызча

Эмгек жана социалдык өнүгүү министрлиги мүмкүнчүлүгү чектелген балдар үчүн "Жүрөктөн жүрөккө" аттуу акция өткөрдү

Бүгүн, 7 октябрьда, КР Эмгек жана социалдык өнүгүү министрлиги Ысык-Көл облусунун Каракол шаарында “Жүрөктөн жүрөкккө” аттуу акция өткөрдү. 
Акцияга облустун баардык райондорунан келген 320 ден соолугунун мүмкүнчүлүгү чектелген балдар катышты. 
Эмгек жана социалдык өнүгүү министри Кудайберген Базарбаевдин айтымында, учурда өлкөдө 172 миң ден-соолугунун мүмкүнчүлүгү чектелген адамдар болсо, анын ичинен 28 миңден ашыгы 18 жашка чейинки балдарды түзөт. Ал эми Ысык-Көл облусунда 12 миңден ашык мүмкүнчүлүгү чектелген адамдар жашайт, анын 2500дөн ашыгы балдар.
“Бул акцияны дайыма өткөрүүнү биз салтка айлантканбыз. Министрлик ден соолугунун мүмкүнчүлүгү чектелген адамдарга карата эки тараптуу саясат жүргүзүүдө. Биринчи жагынан мүмкүнчүлүгү чектелеген адамдарды коомго аралаштыруу жана экинчи жагынан коомубузду гумандуулукка чакыруу. Коом бир мүмкүнчүлүгү чектелген адамды көрсө - бул бир ой, эки адамды көрсө башка ой пайда болот, ал эми жүздөгөн адамдарды көрсө дагы терең ойлонуу үчүн себеп болот. Ошондуктан биздин арабызда ден соолугунун мүмкүнчүлүгү чектелген адамдар да бар экенин көрсөтүү менен бирге, аларга шарттарды түзүп берүүнү баардыгына айтып келебиз”, -дейт министр Кудайберген Базарбаев.

Кыргызча

Өлкөдө 900 бала мамлекеттик социалдык тапшырыктын негизинде ачылган борборлордо кызматтарды алууда

Өлкөдө 900 бала мамлекеттик социалдык тапшырыктын негизинде ачылган борборлордо кызматтарды алууда.

Учурда Кыргызстанда 44 борборлор турмуштук оор кырдаалга кабылган жана мүмкүнчүлүгү чектелген балдарга өз кызматтарын көрсөтүп келет.

 Мисалы, Баткен облусунун Лейлек районундагы борбордун ишмердүүлүгүнүн натыйжасында, ата-энесинин камкордугусуз калган балдардын саны 25%, ал эми кароосуз калган балдардын таркалган масштабы 30%га азайган.

Кыргызча

Турмуштук оор кырдаалга туш болгон балдарга ылайыкталып ачылган “Аруудил” борбору жалпысынан 2 жаштан 16 жашка чейинки 14 балага кызматын көрсөттү

Турмуштук оор кырдаалга туш болгон балдарга ылайыкталып ачылган “Аруудил” борбору жалпысынан 2 жаштан 16 жашка чейинки 14 балага кызматын көрсөттү.

Борбор Ош облусунун Ноокат районунун Баглан айылында мамлекеттик тапшырыкты аткаруунун негизинде  «Представительство Союза Социальных Педагогов Юга Кыргызстана» коомдук бирикмеси тарабынан ачылган.

Проекттин негизги максаты – бул турмуштук оор кырдаалга кабылган балдардын интернат тибиндеги үйлөргө түшпөөгө көмөк көрсөтүү. Бул үчүн мындай акыбалга түшкөн балдарды аныктоо менен аларга социалдык психологиялык, реабилитациялык жардамдарды көрсөтүү болуп эсептелет.

Борбордун жетечиси Шааргул Шербаеванын айтымында, учурда борбордун жана социалдык тармакта балдар менен иш алып барган мекемелердин кызматкерлеринин ортосундагы өз ара аракеттеринин жигердүүлүгүн күчөтүү үчүн иш-чаралар жүргүзүлүп жатат.

Кыргызча

Статс-катчы Бактыбек Жекшенов Министрликте иштеп кеткен жана учурда эмгектенип келген 53 ардагерди Эл аралык карылар күнү менен куттуктады

Эмгек жана социалдык өнүгүү министрлигинин статс-катчысы Бактыбек Жекшенов Министрликтин 53 ардагерлерин Эл аралык карылар күнү менен куттуктады.

“Урматтуу коноктор Сиздердин бүгүнкү майрамыңыздар менен куттуктоого уруксат этиңиздер. Силерге эң негизгиси – бекем ден соолук, бактылуу узак өмүр каалаймын. Биздин министрлик улгайган жарандарды колдоо үчүн дайыма иш-аракеттерин жасап келет. Жыл сайын Сиздер менен жолугушканда мамлекет алдында зор аткарган эмгегиңиздерди баалап келебиз”, - дейт Бактыбек Жекшенов куттуктоо сөзүндө.

Статс-катчы майрамдык стол үстүндө ар бир ардагерге акчалай сыйлык берди. Ошондой эле, Фомова атындагы социалдык жактан коргоо коомунун өкүлдөрү Полити И.В. жана Акчурина Л.М. «Отличник социальной защиты» төш белгиси менен, ал эми Министрликтин “Ардак грамотасын” «Союз добрых сил» Коомунун жетекчиси  Житенева В.Г айымга тапшырды.

Кыргызча

Бишкекте улгайган жарандардын өз колдору менен жасалган буюмдардын жармаңкеси өттү

Бүгүн, 1-октябрь - Эл аралык карылар күнүндө Курманжан Датканын эстелигинин жанында улгайган жарандардын өз колдору менен жасалган  буюмдардын жармаңкеси болуп өттү.

Иш-чарага Эмгек жана социалдык өнүгүү министринин орун басары Эрик Куйкеев катышып, карыларга арналган каалоо тилектерин айтуу менен бирге төмөнкүлөргө токтолуп кетти.

“Республика боюнча 1 миңге жакын социалдык кызматкерлер 8 миңден ашык жалгыз бой, ден-соолугунун мүмкүнчүлүгү чектелген адамдарды үйлөрүнөн тейлешет. Улгайган жарандар үчүн ылайыкталган 6 социалдык стационардык мекемеде учурда 778 кары адамдарыбыз жашайт. Алардын жашоо шарттарын оңдоо үчүн бир топ алгылыктуу аракеттер жасалып келет. Мисалы: мурда бир күндүк тамак ашына бөлүнгөн акча каражаты 55 сомду түзсө эми ал ченемди 100 сомго чейин көтөрдүк. Ошондой эле, дары дармеке сарпталган каражатын эки эсеге жогорулаттык”, - дейт өз сөзүндө Эрик Куйкеев.   

Кыргызча

Баткен облусунун Кадамжай шаарында Үй-бүлө тибиндеги үй ачылгандан бери 14 бала ата-энелерине кайтарылды

Баткен облусунун Кадамжай шаарында Үй-бүлө тибиндеги үй ачылгандан бери 14 бала ата-энелерине кайтарылды.

«Кут кадам» Үй-бүлө тибиндеги үй, мамлекеттик тапшырыктын алкагында Кыргыз РеспубликасынынЭмгек жана социалдык өнүгүү министрлиги тарабынан ачылган.

Бул мекеменин жетекчиси Азима Караеванын айтымында, үй турмуштук оор кырдаалга туш болгон, ата-энесинин камкордугусуз калган балдарга  ылайыкталган.

“Учурда бул жерде 7 бала жашайт, ал эми 1 бала күндүз келип турат. Биз балдарга үйдөгү болгон шарттарды түзүп бердик. Биздин үйгө түшкөн балдар кадимкидей мектепке барышат. Бош убактыларында кол өнөрчүлүк, тамак-аш жазоону үйрөтөбүз”, - дейт А.Караева.

Министрликтин колдоосу менен ачылган  үйдө жалпысынан 22 балага жардамдар көрсөтүлсө, анын ичинен 14 баланы ата-энесине кайтарууга жетишкендигин кошумчалады. 

Кыргызча

Pages