Ден соолугунун мүмкүнчүлүгү чектелген 12 жашар Тилек Алтымышев жасаган үй, мечиттердин үлгүлөрү

5-июлда ден соолугунун мүмкүнчүлүгү чектелген 12 жашар Тилек Алтымышевди Эмгек жана социалдык өнүгүү министрлиги барып көрдү. Тилек балмуздактын таякчасынан, ширеңкеден үй, мечиттерди жасайт. Ага үй, мечиттин үлгүлөрүн жасоо үчүн таякчалар, клей жана кышкы кийимдер белекке берилсе, үй-бүлөсүнө азык-түлүктөр берилди. Тилекти Токмок медициналык социалдык комиссиясынын жана Ден соолугунун мүмкүнчүлүгү чектелгендердин реабилитациялык борборунун кызматкерлери да барып көрүштү. Тилекке жеке дарылоо программасы иштелип чыгат.

"Тилек биз үчүн жарандык эрдиктин үлгүсү катары кызмат кылат. Кыйын ооруга карабай ал жеңилген жок. Ар бир ушундай өзгөчө бала жашоодо көп нерсеге жетишүүгө мүмкүнчүлүгү бар экенин билиши зарыл", - деди К.Базарбаев.

Тилек Алтымышев тууралуу социалдык тармактарда коомдук активист Марат Абдраев айтып чыккан. Ал 5 жашка чыкканда ата-энеси ажырашып кетишкен. Ошондон бери эки эжеси, атасы менен чогуу жашайт. Майыптыгы үчүн өкмөттөн 3000 сом өлчөмүндө жардам алат. Атасы Нурбек Курманалиев II топтогу майып.

Super.kg

Кыргызча

2015-жылдын жыйынтыгы боюнча өлкөдө 172 миңден ашуун майып адам бар, алардын 28 миңи 18 жашка чейинкилер

Акыркы мезгилде коомдук уюмдар, активисттер кыргыз өлкөсүндөгү ден соолугунун мүмкүнчүлүгү чектелген жарандардын укуктары боюнча Бириккен Улуттар Уюмунун Конвенциясын ратификациядан өткөрүү зарылдыгын айтышууда. Кыргыз жеринде "Ден соолугунун мүмкүнчүлүгү чектелген жарандардын укугу тууралуу Конвенцияны" ратификациялоо 2017-жылы күтүлүүдө. Бул тууралуу маалымат жыйынында айтылды.

Катышуучулардын бири Толкун Исаков буларга токтолду:

"Ден соолугунун мүмкүнчүлүгү чектелген жарандар башка жарандар сыяктуу эле өлкөнүн, коомдун жашоосуна активдүү аралашуусу шарт. Бүгүнкү күндө жарандык коом кыргыз өкмөтү 2016-жылдын аягы, 2017-жылга чейин ден соолугунун мүмкүнчүлүгү чектелген жарандардын укугу тууралуу Конвенцияны ратификациядан өткөрөт деп терең ишенет".

Ошондой эле маалымат жыйында 2015-жылдын жыйынтыгы боюнча өлкөдө 172 миңден ашуун майып адам бар экендиги, алардын 28 миңи 18 жашка чейинкилер экени айтылды.

Super.kg

Кыргызча

Талас шаарында мүмкүнчүлүгү чектелген балдарга арналган "Жүрөктөн жүрөккө" акциясы өттү

КР Эмгек жана социалдык өнүгүү министрлиги Талас шаарында “Жүрөктөн жүрөкккө” аттуу акция өткөрдү. 
Акцияда Талас облусунун Манас, Кара-Бура, Бакай-Ата райондорунан келген мүмкүнчүлүгү чектелген балдар катышууда (бардыгы 500 адам). Иш-чаранын негизги максаты - мүмкүнчүлүгү чектелген адамдарды коомго адаптациялоо жана аларга карата коомду гумандаштыруу болуп эсептелет.
Эмгек жана социалдык өнүгүү министри Кудайберген Базарбаевдин айтымында учурда өлкөдө 172 миң ден-соолугунун мүмкүнчүлүгү чектелген адамдар болсо, анын ичинен 28 миңден ашыгы 18 жашка чейинки балдарды түзөт. Ал эми Талас облусунда учурда 7,9 миң мүмкүнчүлүгү чектелген адамдар жашайт, анын 1,6 миңи балдар.
“Биз мындай акцияларды 2013-жылдан бери өткөрүп жатабыз. Коом бир мүмкүнчүлүгү чектелген адамды көрсө бул бир ой, эки адамды көрсө башка ойпайда болот, ал эми жүздөгөн, миңдеген адамдарды көрсө дагы башка терең ойду пайда кылат. Мамлекетте бардык жарандардын укугу бирдей. Анын ичинде мүмкүнчүлүгү чектелген адамдардын да. Аларды көрүп коомубуз ар кандай дартка туш болгон жарандардын турмуштук көйгөйлөрүнө көңүл бурууусуна жана коомдук жашоодо атайын шарттарды түзүүгө аракеттерин жасаганга чакырабыз”, - дейт министр К.Базарбаев.

Кыргызча

Социалдык кызматкерлерге сертификаттар тапшырылды

Эмгек жана социалдык өнүгүү министри Кудайберген Базарбаев Бишкек шаарындагы райондук социалдык өнүгүү башкармалыктарынын социалдык кызматкерлерине, Кароосуз калган балдар үйлөрүнүн, ошондой эле Мүмкүнчүлүктөрү чектелген балдардын Бишкек шаардык реабилитациялык борборунун кызматкерлерине сертификаттарды тапшырды.

Алар калктын аялуу катмарына социалдык жардам көрсөтүүнүн ыкмаларына окутуп-үйрөтүүчү 80 сааттык семинардан өтүштү.

Бүгүнкү күндө республика боюнча 900дөн ашык социалдык кызматкерлер 10 миңге жакын адамды үйлөрүнө барып тейлеп жатышат. Эми, окуудан өтүшкөндөр алган билимдерин иш жүзүндө пайдалана алышат. Бардыгы болуп бул окуудан 25 адам билим алып чыгышты.

ЭркинТоо

Кыргызча

Эмгек жана социалдык өнүгүү министри Кудайберген Базарбаев Кыргыз Республикасынын Мамлекеттик кызматкерлер күнү менен Министрликтин жалпы жамаатын куттуктады

Бүгүн, Эмгек жана социалдык өнүгүү министри Кудайберген Базарбаев Кыргыз Республикасынын Мамлекеттик кызматкерлер күнү менен Министрликтин жалпы жамаатын куттуктады.

Анын айтмында Эмгек жана социалдык өнүгүү системасында 4 миңден ашык кызматкерлер аз камсыз болгон үй-бүлөлөргө, ден-соолугунун мүмкүнчүлүгү чектелген жана улгайган адамдарга, турмуштук оор кырдаалда турган балдарга өз кызматтарын көрсөтүп келишет.

“Урматтуу кесиптештер! Силердин күнүгө жасаган эмгегиңиздер абдан зор. Анткени Силер болгон күч аракетиңер менен калктын эң аярлуу катмарына кызмат кыласыздар. Бирок, мындан ары да элдин жаркын келечеги, бакубат жашоосу үчүн биз дайыма талыкпай эмгектенүүбүз зарыл. Өлкөбүздүн туруктуу өнүгүүсү мамлекеттик кызматтын жоопкерчилигин, кесипкөйлүүлүгүн күбөлөндүрүү менен анын демократия жолунда өнүгүүгө өбөлгө түзөт. Биз биргеликте жасаган аракеттер менен 2013-2017-жылдарга КР туруктуу өнүктүрүүнүн Улуттук стратегиясын бийик деңгээлде аткара алабыз”, - дейт министр.

Кыргызча

"Кайрымдуу бол" коомдук фонду Ыйык Рамазан айынын 15-күнүн кайрымдуулук күнү деп белгилөөнү демилгелешти

Бүгүн, "Бишкекпарк" көнүл ачуу соода борборунда "Кайрымдуу бол" коомдук кайрымдуулук фонду Ыйык Рамазан айынын 15-күнүн кайрымдуулук күнү деп белгилөөнү демилгелеп чыгышты. Бул акцияга Эмгек жана социалдык өнүгүү министринин орун басары Эрик Куйкеев катышты.
Анын айтымында, бул демилге адамдарды ыйман жолуна салып, бири бирине жакындатып, сабырдуулукка, кайрымдуулукка багыттайт.

Кыргызча

Иштеген адам каза болгондо жакындарына сөөк коюуга 7189 сом өлчөмүндө жөлөкпул берилет

Иштеген адам каза болгондо жакындарына 7189 сом өлчөмүндө расымдык (сөөк коюуга) жөлөкпул берилет. Бул тууралуу Кыргыз Республикасынын Эмгек жана социалдык өнүктүрүү министрлигинин акчалай жөлөкпул жана социалдык кепилдиктер бөлүмүнүн башчысы Гүлмира Окоева SUPER.KG порталына кабарлады. Гүлмира Окоева расымдык жөлөкпулду дайындоо, төлөө тартиби жана өлчөмү жөнүндө жобо менен кененирээк тааныштырып өттү.

Төмөнкүдөй өлчөмдө расымдык жөлөкпул төлөнөт:

Кыргызча

Таласта 1 миллион 932 873 элеттик аялдын укуктарын жана мүмкүнчүлүктөрүн кеңейтүү тууралуу конференция өтүүдө

Бүгүн, 17-июнда Талас шаарында “Элеттик аялдардын укуктарын жана мүмкүнчүлүктөрүн кеңейтүү” аттуу төртүнчү республикалык конференциясы өтүүдө. Ага бардык облустардын ишкер аялдары катышып өздөрүнүн кол өнөрлөрүн көрсөтүү менен бирге ийгиликтүү тажрыйбалары менен ой бөлүшүүдө. Бул тууралуу Эмгек жана социалдык өнүгүү министрлигинин басма сөз кызматы кабарлады.

"Конференциянын негизги максаты элеттик эмгекчил аялдардын ишинин ийгиликтүү жыйынтыктарын пропагандалоо, ошол эле учурда экономикалык, укуктук шарттарын, социалдык статусун жогорулатуу болуп эсептелет.", - деди Эмгек жана социалдык өнүгүү министринин орун басары Эрик Куйкеев.

Бүгүнкү күндө элеттик аялдардын саны 1 миллион 932 миң 873кө барабар. Аялдар бардык калктын 65 пайызга жакынын түзөт. Ал эми алардын экономикалык активдүү бөлүгү 51,7 пайыз болсо, 46 пайызы гана эмгектенишет.

Кыргызча

Рим Папасы кыргыз элине гүлдөп-өсүүнү жана тынчтык каалады

Эмгек жана социалдык өнүктүрүү министри Кудайберген Базарбаев Рим Папасы Франциск менен жолугушту. Жолугушууда алар кол кармашып, Рим Папасы кыргыз элине гүлдөп-өсүүнү жана тынчтык каалады. Бул тууралуу аталган министрликтин басма сөз кызматы бүгүн, 15-июнда кабарлады.

Маалыматка ылайык, жолугушуу жыл сайын өтүүчү БУУнун XXI Дүйнөлүк азык-түлүк программасынын Аткаруу кеңешинин сессиясынын алкагында өткөн. Анда Рим Папасы БУУга кирген мамлекеттерди ачкачылыкка каршы турууга чакырды. Ошондой эле ал "маалыматтык ашыкча жүккө" көңүл бурду.

"Адамдар жакырчылыкты сезбес болуп калышты, башка адамдардын кайгысына иммунитет жогорулап жатат. Бизди сыздатчу сүрөттөргө көмүлгөнүбүз менен, аларга көңүл бурбайбыз. Биз ыйды укканыбыз менен, ыңгайсыз абалда калып жаткан жокпуз. Биз суусагандарды көрүп жатабыз, бирок алардын суусунун кандырууга аракет кылган жокпуз. Адам жандары статистикалык маалымат болуп калды, адамдардын кайгысын эске албай калдык", - деди Рим Папасы.

Министрликтин берген маалыматы боюнча, учурда кыргыз жергесинде Дүйнөлүк азык-түлүк программасы менен биргеликте 330 миң аз камсыз жарандардын социалдык-экономикалык абалын жакшыртуу боюнча долбоор ишке ашырылып жатат.

 

Super.kg

Кыргызча

Кыргыз Республикасында 18ге толо элек 28 200 баланын ден соолугунун мүмкүнчүлүгү чектелген

Өлкө боюнча ден соолугунун мүмкүнчүлүгү чектелген балдардын арасындагы көрсөткүчтө тубаса оорулуу болуп төрөлгөндөр 35,2 пайыз менен биринчи орунда турушат. Экинчи орунда 24,4 пайыз менен нерв системинен жабыркагандар, андан кийин 12,8 пайыз менен психиатриялык жактан ооругандар турушат. Бул тууралуу Эмгек жана социалдык өнүктүрүү министрлигинин басма сөз кызматы кабарлады.

Министрликтин маалыматына ылайык, учурда Кыргыз Республикасында 18ге толо элек 28 200 баланын ден соолугунун мүмкүнчүлүгү чектелген. Алардын баары ай сайын 3000 сом өлчөмдөгү жөлөкпул алышат. Андан тышкары аларга акысыз социалдык тейлөөлөр көрсөтүлүп келет.

Ден соолугунун мүмкүнчүлүгү чектелген балдардын саны майыптык топко күбөлөндүрүүнүн жана аны кайталап өтүүнүн эсебинен өсүүдө. 2015-жылы 12 30 бала, анын ичинен 4190у биринчи жолу күбөлөндүрүлүштү. Ал эми 2014-жылы 4208 бала алгачкы ирет майыптык топко күбөлөндүрүлүшкөн.

Super.kg

Кыргызча

Pages