Жарыя! Ош шаарындагы бош орундардын жана кесиптердин жарманкеси өтөт. Жумуш табуу мүмкүнчүлүгү!

2025-жылдын 29-апрель күнү Султан Ибраимов атындагы Ош улуттук драма театрында 1-май майрамына карата бош орундардын жана кесиптердин жарманкеси өтөт. Саат 10:00дөн 13: 00гө чейин 40тан ашык компания ар кандай тармактарда 2000ден ашык бош орундарды сунуштайт. Иш-чара иш издечүүлөргө жумуш берүүчүлөр менен жолугушууга, талапкерлердин талаптарын билүүгө жана ачык позицияларга арыз берүүгө уникалдуу мүмкүнчүлүк берет.

Иш-чаранын негизги уюштуруучулары: Ош шаарынын Эмгек, социалдык камсыздоо жана миграция башкармалыгы, Ош шаарынын мэриясы, Миграциялык ресурстук борбору. Жарманкенин негизги максаты — жарандарды жумуш менен камсыз кылууга көмөктөшүү, эмгек рыногунда атаандаштыкка жөндөмдүүлүгүн жогорулатуу, жумушка орношуу боюнча маалымат берүү.

Жарманкеге 40тан ашык компания катышат, анын ичинде ар кандай тармактардан белгилүү өкүлдөр: «Евро Азия Групп» ЖЧК, «Байка-Текстиль» ЖЧК, «Барбол» ЖЧК, «Дастан стиль» ЖЧК, «Шоро» ЖЧК, «Мегаком» ААК, Ош шаарынын муниципалдык ишканалары «Ош-свет» жана «Комбинат по благоустройству и озеленению города Ош», ошондой эле «Центр семейных врачей», Мбанк жана башка компаниялар. Жарманкеде жалпы 2000ден ашык вакансиялар ар кандай тармактарда сунушталат.

Иш-чара жумуш издеген бардык кызыккандар үчүн пайдалуу болот: жаш адистерге, студенттерге, бүтүрүүчүлөргө, ошондой эле кесибин өзгөрткүсү келгендерге. Иш-чарага катышуучулар жумуш берүүчүлөр менен түз байланышып, талаптар жана жумуш шарттары тууралуу толук маалымат алып, ачык вакансияларга арыз берип, сунуштарды алышат.

Жарманке чегинде жумушка орношуу боюнча мастер-класстар жана кеңеш берүү сессиялары да уюштурулат, бул иш издегендерге ийгиликтүү жумуш табуу боюнча кошумча кеңештерди жана сунуштарды алуу мүмкүнчүлүгүн берет.

Байланыш телефондору: (0322) 7-03-67 , (0998) 09 90 18

Ош шаарындагы Вакансиялар жана кесиптердин жарманкесинде өз ишиңизди табуу мүмкүнчүлүгүн өткөрүп жибербеңиз!