«Балдар үчүн ишеним телефону» борборунун март айынын төртүнчү жумасындагы иши тууралуу маалымат

Print Friendly, PDF & Email

«Балдар үчүн ишеним телефону» борборуна 2019 – жылдын 22 – мартынан 28 – мартына чейин 2981 телефондон кайрылуу, же бир суткада 426 чалуу түшкөн.

Анын ичинен 28 абонент консультация алуу же жардам көрсөтүү жөнүндө суранып чалган (8 же 28,6 % жаш балдардан, ал эми 20 же 71,4 % чоң адамдардан түшкөн). Аны ичинен 10 абонентке жеринен телефон аркылуу сунуштар жана консультациялар берилди, 6 абонентке психологиялык консультация берилди, 12 кайрылуу башка тиешелүү органдардын, мекемелердин аймактык бөлүмдөрүнө алардын компетенциясына ылайык чара көрүү үчүн кабарланып, иш алып баруусу сунушталган. 28 чалуунун  ичинен эркектерден – 6 (21,4 %), аялдардан – 14 (50 %), балдардан – 8 анын ичинен эркектер – 3 (10,7 %), кыздардын – 5 (17,9 %).

Кайрылуулардын түрү жана мүнөзү төмөнкүдөй:

– социалдык жардам сурап – 8 абонент чалган;

– үй–бүлөлүк мамилелер жана чыр–чатактар тууралуу – 4;

– психологиялык жабырлануудан – 3;

– баланы тарбиялоо, анын жүрүм – туруму, ата – эне менен балдардын,

окуучулар менен мугалимдердин болгон өз ара  мамилелери тууралуу  – 3;

– аялдарга карата үй – бүлөлүк зомбулук көрсөтүлгөнү тууралуу – 2;

– финансылык, юридикалык жана башка жардам сурап – 2;

– борбор жонундо маалымат – 2

– башка суроолор менен – 2;

– балдарга карата ырайымсыз мамиле, зордук зомбулук болгон тууралуу- 1;

– балдарга карата ырайымсыз мамиле тууралуу-1.

2953 абонент номерди туура эмес тергенде, мобилдик операторлордун интернет кызматына кошуу боюнча, бирдик жүктөө, телефондук ойноолор (тентектер), тез жардам, милиция, өрт өчүрүү кызматын сурап жаңылып чалгандар.

Мекемелерге, уюмдарга жөнөтүлгөн кайрылуулар боюнча Борбор такай иш алып барат, алардын каралгандыгынын жыйынтыгы тууралуу аймактык органдардан маалыматты, жоопту алып турат.

Тушкөн кайрылуулардын географиялык бөлүнүшү төмөнкүчө:

– Бишкек шаарынан –  8;

– Чуй облусунан – 8;

– Жалал – Абад облусунан –  7;

– Ош облусунан – 4;

– Ыссык – Көл облусунан – 1.