Министрликке караштуу социалдык стационардык мекемелер коргоочу шаймандар менен камсыздалды

Бүгүн, 1 апрелде, “Сорос-Кыргызстан” фонду Эмгек жана социалдык өнүктүрүү министрлигине караштуу социалдык стационардык мекемелерди коргоочу шаймандар менен камсыз кылды: 4000 медициналык колкап, 2880 баххил, 1000 литр антисептик жана 10 коргоочу комбинезон.

Министрликтин системасына караштуу 17 социалдык стационардык мекеме бар. Анын 6 су карылар жана ден соолугунун мүмкүнчүлүгү чектелүү адамдарга, 6 су психоневрологиялык ооруга чалдыккан чоң адамдар үчүн, ал эми 5 сү балдар үчүн ылайыкталган. Бүгүнкү күндө аталган мекемелерде 2394 адам мамлекеттин камкордугуна алынган. 736 улгайган жарандар жана ден соолугунун мүмкүнчүлүгү чектелүү адамдар, 1658 психоневрологиялык ооруга чалдыккандар болсо, анын ичинен 423 балдар.