Эмгек министрлиги дагы 202 бала үчүн жайкы эс алууну уюштурду

Эмгек, социалдык камсыздоо жана миграция министрлигинин линиясы боюнча “Улан” Балдардын ден соолукту чыңдоо борборунда Ысык-Көлдө 202 бала эс алат.

Ведомство Талас, Нарын, Ысык-Көл, Чүй облустарынан жана Бишкек шаарынан майып балдар, жетим балдар, ата-энесинин камкордугусуз калган жана турмуштук оор кырдаалда турган балдар үчүн жайкы эс алууну уюштурду. Катталуу 15-августта башталган.