Министр

САБИРОВ РАВШАНБЕК АЗАТОВИЧ

Сабиров Равшанбек Азатович – 1970-жылдын 18-февралында Ош областынын Кара-Суу районунун Жаңы-Арык айылында туулган. Айылдагы Калинин атындагы орто мектепти аяктаган.

БИЛИМИ

Эки жогорку билими бар. 1996-жылы Кыргыз мамлекеттик улуттук университетинин эсеп-коммерция факультетин “Азык-түлүк” товарларын таануучу адистиги боюнча аяктаган (Дипл.АВ№08291);

 1999-жылы Россиянын Бажы академиясынын Бажы жана юридикалык кадрларды даярдоо факультетин юириспруденция адистиги боюнча (Экинчи жогорку билим жөнүндө диплом ГВВ№2282).

Россия Федерациясынын Президентине караштуу Россиянын Эл чарба жана мамлекеттик кызмат академиясынын магистратурасын “Персоналды башкаруу” багыты боюнча аяктап, Магистр квалификациясы берилген (13.03.2017-ж.).

ЭМГЕК ЖОЛУ

1986-жылы Кара-Суу районундагы “Кыргызстан” совхозунда өндүрүштүк бригадада жумушчу болуп эмгектенүүдөн баштаган.

1988-1990-жж Советтик Армиянын катарында, Аба десанттык күчтөр бөлүгүндө кызмат өтөгөн.

Өлкөбүз рынок экономикасына өткөн учурда жеке фирмаларда эмгектенген.

“Кербен” соода комплексине директор болуп эмгектенген.

2008-жылдын августунда Кыргызстандагы тажиктердин А.Рудаки атындагы ассоциациясынын төрагалыгына шайлашкан. Ошондон бери, Кыргызстандагы тажиктердин Рудаки атындагы коомдук бирикмесинин төрагасы кызматын жана Кыргызстан элинин ассамблеясынын төрагасынын орун басары кызматын аркалап келген;

2010-жылы Кыргыз Республикасынын Жогорку Кеңешинин V чакырылышынын депутаты;

2011-жылдын декабрь айында Кыргыз Республикасынын Социалдык өнүгүү министри;

2020-жылы Кыргыз Республикасынын Вице-премьер-министри;

2021-жылы Кыргыз Республикасынын Президентинин кеңешчиси;

2021-жылы Кыргыз Республикасынын Жогорку Кеңешинин VII чакырылышынын “Ата-Журт Кыргызстан” саясий партиясынын депутаты;

2022-жылдын 10-мартында  Кыргыз Республикасынын Инвестициялар боюнча улуттук агенттигинин директору;

2024-жылдын 9-декабрынан тартып Кыргыз Республикасынын Эмгек, социалдык камсыздоо жанга миграция министри