Министр
Полотова Жылдыз Арстанбековна
1974-жылдын 11 – августунда Ош облусунун Өзгөн районунда Мырза-Аке айылында төрөлгөн.
Эки жогорку билимдин ээси. 1997-жылы И.Раззаков атындагы Кыргыз мамлекеттик техникалык университетинин технология факультетин аяктаган, 2002-жылы Ж.Баласагын атындагы Кыргыз улуттук университетинин экономика факультетин аяктаган.
Эмгек жолу:
1994 ж. – Ош облустук “Билим” коомдук уюму, бухгалтердин жардамчысы;
1996-2005-жж. Бишкек шаарынын Биринчи май районунун Калкты иш менен камсыз кылуу бөлүмү, 1 -категориядагы адис, жетектөөчү адис;
2005-2007- жж. “Республиканын аялдар активдеринин Ассамблеясы “АЖАР” коомдук бирикмеси, башкы бухгалтер, Башкармалыктын төрайымы;
2007-ж. Кыргыз Республикасынын Эмгек жана социалдык өнүктүрүү министрлиги, Социалдык коргоо башкармалыгынын жетектөөчү адиси;
2007-2009-жж. Социалдык саясатты анализдөө жана божомолдоо бөлүмүнүн башчысынын орун басары;
2009-2010-жж. Кыргыз Республикасынын Өкмөтүнүн Аппаратынын Өкмөттүк чечимдерди экспертизалоо бөлүмү, эксперт;
2010-2012-жж. Кыргыз Республикасынын Эмгек, ишке орноштуруу жана миграция министрлиги, Бюджеттик пландоо жана каржылоо бөлүмүнүн башчысы;
2013-2014-Кыргыз Республикасынын Эмгек, ишке орноштуруу жана миграция министрлиги – Бюджеттик пландоо жана каржылоо бөлүмүнүн башчысы;
2013-2014-жж. Кыргыз Республикасынын Эмгек жана социалдык өнүктүрүү министрлигинин алдындагы Социалдык камсыздоо департаменти, директор;
2014-2018-жж. Кыргыз Республикасынын Эмгек жана социалдык өнүктүрүү министрлиги, министрдин орун басары;
2018-2020-жж. Кургак учук, мамлекеттик социалдык заказ жана коомдук саламаттык сактоо маселелерин социалдык камсыздоо жана социалдык коргоо программаларына интеграциялоо, кант диабети боюнча бейтаптар менен иштөө боюнча долбоорлор, эксперт, долбоорлордун координатору;
2020-2021-жж. Кыргыз Республикасынын Эмгек жана социалдык өнүктүрүү министрлиги, ички аудит бөлүмүнүн башчысы;
2021-ж. Кыргыз Республикасынын Саламаттык сактоо жана социалдык өнүктүрүү министрлиги, Мамлекеттик төлөмдөрдүн жана ден соолугунун мүмкүнчүлүктөрү чектелүү адамдарга, улгайган жарандарга социалдык кызматтарды өнүктүрүү башкармалыгынын башчысы;
2021-2024-жж. Кыргыз Республикасынын Эмгек, социалдык камсыздоо жана миграция министринин орун басары;
2024-жылдын 12-июнунан тартып – Кыргыз Республикасынын Эмгек, социалдык камсыздоо жана миграция министрлиги, министр.
Кошумча маалымат:
Социалдык коргоонун отличниги, Кыргыз Республикасынын Президентине караштуу Мамлекеттик Башкаруу академиясынын жогорку класстагы мамлекеттик кызматынын кеңешчиси, 4-курсунун аспиранты, Көз карандысыз Мамлекеттер Шериктештигинин Аткаруу комитетинин грамотасы менен сыйланган.
