Баткен облусунун балдарга жөлөк пул алуучулары жөлөк пулду ала беришет
Бул тууралуу Кыргыз Республикасынын Эмгек, социалдык камсыздоо жана миграция министри Кудайберген Базарбаев үстүбүздөгү жылдын сентябрь айындагы чек ара жаңжалынын натыйжасында Чүй облусуна жана Бишкек шаарына көчүп кетүүгө аргасыз болгон Баткен облусунун тургундары менен жолугушуу учурунда билдирди.
“Бул кайгылуу окуяга чейин социалдык жөлөкпул алгандардын баары аларды учурда жашап жаткан жеринен ала беришет. Министрлик бардык жөлөкпулдарды, өзгөчө жаңжалдын кесепетинен жабыр тарткан айылдардын тургундарына өз убагында төлөп берүүгө кызыкдар”, – деди министр.
Министр менен жолугушууга сентябрда болуп өткөн Кыргызстан менен Тажикстандын ортосундагы чек ара жаңжалынын натыйжасында жабыр тарткан 100гө жакын адам катышты.
2022-12-22
