Майлуу-Суу шаарынын 810 жакыр үй-бүлөсү азык-түлүк топтомун алышты

Министрлер кабинетинин төрагасы Акылбек Жапаровдун Майлуу-Суу шаарындагы тапшырмасы боюнча КР Эмгек, социалдык камсыздоо жана миграция министрлигинин шаардык башкармалыгы КР Өзгөчө кырдаалдар министрлиги менен биргеликте Жалал-Абад облусунун Майлуу-Суу шаарындагы 810 жакыр үй-бүлөгө ун, май жана кант түрүндөгү азык-түлүк топтомдорун тапшырды.

13-январдан тартып Майлуу-Суу шаарында өзгөчө кырдаал режими киргизилген. Сууктарга байланыштуу шаарды суу менен камсыздай турган трубалар тонуп калган. Натыйжада, калкка жылуулук жана таза суу берүү токтотулган. Учурда ондоо иштери болуп жатат.