Эмгек министрлигинин түштүк райондук бөлүмдөрүнүн өкүлдөрү коопсуз миграция жана гендердик маселелер боюнча окуудан өтүшүүдө

12-июлдан 14-июлга чейин Жалал-Абад жана Ош шаарларындагы министрликтин түштүк райондук бөлүмдөрүнүн өкүлдөрүнө Кыргыз Республикасынын Эмгек, социалдык камсыздоо жана миграция министрлиги, Миграция боюнча Эл аралык уюмдун (МБМ) Миссиясы/БУУ Миграция боюнча агенттиги менен биргеликте миграция жана гендердик маселелер боюнча эки күндүк семинарларды өткөрүүдө.

Өлкөдө 2030-жылга чейин Кыргыз Республикасынын миграциялык саясатынын концепциясы жана 2022-2025-жылдарга карата иш-чаралар планы ишке ашырылууда. Миграция жана гендердик маселелер боюнча КР ЭСКММ райондук бөлүмдөрүнүн өкүлдөрүнүн квалификациясын жогорулатуу бул пландын артыкчылыктуу багыттарынын бири болуп саналат.

Семинарлар миграция жаатындагы билимди жана көндүмдөрдү жогорулатууга багытталган, атап айтканда, миграция саясаты, коопсуз миграция, мигранттардын аялуулугу, адам сатуунун алдын алуу, гендердик жана адам укуктарына өзгөчө көңүл буруу.

Тренингдин негизги максаты – Министрликтин райондук бөлүмдөрүнүн кызматкерлери тарабынан калкка көрсөтүлүүчү кызматтардын жана консультациялардын сапатын жогорулатуу, кооптуу миграциянын тобокелдиктерин азайтуу, аялдардын экономикалык укуктарын жана мүмкүнчүлүктөрүн кеңейтүү.

Тренингдердин алкагында министрликтин райондук бөлүмдөрүнүн 40ка жакын кызматкерлерин окутуу пландалууда.

Тренингдер Норвегиянын Тышкы иштер министрлиги жана Швейцария өнүктүрүү жана кызматташтык агенттиги (ЖД) каржылаган Борбордук Азиядагы жөнгө салынуучу эмгек миграциясына көмөктөшүү программасы тарабынан каржыланган “Борбордук Азиядагы миграция контекстиндеги аялдардын укуктарын кеңейтүүгө өзгөчө көңүл буруу менен аялуу мигранттарды коргоо” ЭМУнун долбоорлорунун техникалык колдоосу менен өткөрүлүүдө.