Эмгек министринин орун басары Жылдыз Полотова иштелип жаткан кесиптик стандарттар жөнүндө айтып берди
Эмгек министринин орун басары Жылдыз Полотова иштелип жаткан кесиптик стандарттарга токтолду
Сочиде Эмгекти коргоонун VIII Бүткүл россиялык эмгекти коргоо жумалыгынын алкагында КМШ өлкөлөрүнүн эмгек, ишке орноштуруу жана калкты социалдык жактан коргоо боюнча Консультативдик кеңешинин 36-отурумунда стандартташтыруу жана эмгекти коргоо, ошондой эле кадрларды даярдоо, кайра даярдоо жана квалификациясын жогорулатуу маселелери талкууланды.
КР Эмгек, социалдык кымсыздоо жана миграция министринин орун басары Жылдыз Полотова КР Эмгек кодексинин жаңы редакциясынын долбоору боюнча иштерге токтолду.
«Эмгек кодексинин жаңы редакциясынын максатка ылайыктуулугу экономикалык жана эмгек мамилелеринин өнүгүшүнө, ошондой эле ишке орноштуруунун жаңы формаларынын пайда болушуна байланыштуу келип чыккан. Жумушчулардын жана иш берүүчүлөрдүн укуктарын жана кызыкчылыктарын коргоо, эмгек мамилелеринин тараптарынын кызыкчылыктарын тең салмактоо үчүн шарттарды түзүү, экономикалык өсүштү стимулдаштыруу жана калктын бакубаттуулугун жогорулатуу артыкчылыктуу болду.
Эмгек министрлиги эмгек мамилелерин ийкемдүү жөнгө салуу механизмдерин, анын ичинде электрондук документацияны колдонууну кеңейтүүнү сунуштады. Биз ошондой эле жумуш менен камсыз кылуунун ийкемдүү формаларын, мисалы, аралыктан иштөөнү карап чыгабыз жана эмгек акыны аткарылган иштин сапатына жана татаалдыгына жараша аныктоону сунуштайбыз. Мүмкүнчүлүгү чектелгендер жана балдар үйүнүн бүтүрүүчүлөрү үчүн жумуш орундарына квота берүү сунушталууда», – деди ал.
Министрдин орун басары республикада кесиптик стандарттар жана квалификациялардын тармактык алкактары иштелип жатканын баса белгиледи.
“Баарынан маанилүүсү, кесиптик стандарттар жана квалификациялык алкактар билим берүү мекемелеринин бүтүрүүчүлөрүнөн эмгек рыногунун күтүүлөрүн деталдаштырып, студенттерди так жана актуалдуу окутууну камсыз кылат. Көндүмдөрдүн жана тажрыйбанын ар түрдүүлүгүн эске алуу менен, алар билим берүү жана жумуш рыногуна көптөгөн адамдарды, анын ичинде жаштарды, улуу муундарды жана майыптарды кошууга жардам берет.
Бирдиктүү стандарттар жана квалификация алкактары жумушчулардын ар кайсы тармактардын ортосунда, ал тургай өлкөлөрдүн ортосунда өтүүсүн жеңилдетип, эмгек рыногун өнүктүрүүгө өбөлгө түзөт. Натыйжалуу стандарттар атаандаштыкка жөндөмдүү жана динамикалуу эмгек мейкиндигин түзүүгө жардам берип, экономиканын өсүшүнө жана жумушсуздуктун деңгээлин төмөндөтүүгө өбөлгө түзөт”, – деп белгиледи Жылдыз Полотова.
