Бишкек шаарында Кыргыз Республикасынын Эмгек, социалдык камсыздоо жана миграция министрлигинин Россия Федерациясынын Свердлов облусунун Өкмөтүнүн делегациясы менен жолугушуусу болуп өттү

2023-жылдын 30-октябрында Эмгек, социалдык камсыздоо жана миграция министринин орун басары Ж.И. Алыбаева Свердлов облусунун делегациясын жетектеген губернатордун орун басары В. В. Козлов менен жолугушту.

Жолугушуунун жүрүшүндө тараптар мүмкүнчүлүгү чектелген адамдарды реабилитациялоо, эмгек мигранттарын жана алардын үй-бүлө мүчөлөрүн медициналык камсыздоо, ошондой эле Свердлов облусундагы ишканада ишке орноштуруу маселелери боюнча кызматташуу маселелерин талкуулашты.

“Министрлик Свердлов облусунун Өкмөтүнүн кызматташууга болгон умтулуусун жогору баалайт. Учурда Екатеринбург шаарында жана Свердлов облусунда 35 миңден ашык Кыргыз Республикасынын жараны бар жана биз алардын келүү, медициналык камсыздандыруу, медициналык жардамга муктаж ден соолугунун мүмкүнчүлүгү чектелген балдардын көйгөйлөрүн биргелешип чечүүгө көмөктөшүшүбүз керек», -деди министрдин орун басары.

Өз кезегинде губернатордун орун басары В.В. Козлов Кыргыз кесиптештерине Свердлов облусунун Өкмөтү Кыргызстандын жарандарынын региондо ыңгайлуу болушу үчүн бардык күч-аракетин жумшап жаткандыгын жана Свердлов облусунун делегациясынын сапарынын негизги максаты Эмгек, жумуштуулук жана эмгек миграциясы маселелери боюнча эки тараптуу мамилелерди чыңдоо жана өнүктүрүү экендигин белгиледи.

Свердлов облусунун делегациясына Россиянын Кыргыз Республикасындагы соода тармагынын өкүлү, адам укуктары боюнча комиссары, эл аралык жана тышкы экономикалык байланыштар Министрлиги, мыйзам чыгаруу жыйынынын депутаттары жана Свердлов облусунун бизнес өкүлдөрү кирди.

Жолугушуунун жыйынтыгында тараптар көйгөйлүү маселелер боюнча өз ара түшүнүшүүгө жетишип, жолугушууда талкууланган бардык багыттар боюнча мындан аркы өз ара аракеттенүүгө жана тажрыйба алмашууга даяр экендиктерин билдиришти.