Үй-бүлөлүк мыйзамдарды өркүндөтүү максатында ведомстволор аралык жумушчу топтун кезектеги жыйыны өтүүдө

Кыргыз Республикасынын Министрлер Кабинетинин Төрагасы А.У. Жапаровдун “Салттуу үй-бүлөлүк баалуулуктардын сакталышы боюнча тапшырмасына ылайык, үй-бүлөлүк мыйзамдарды өркүндөтүү максатында ведомстволор аралык жумушчу топ түзүлгөн. Жумушгчу топ үй-бүлө кодексинин долбоорун иштеп чыгуу боюнча иштерди улантуу үчүн 17-18-ноябрь күндөрү кезектеги жыйынга чогулушту.

Үй-бүлө кодексин иштеп чыгуу боюнча ведомстволор аралык жумушчу топтун милдети үй-бүлө мамилелерин укуктук жөнгө салуунун заманбап талаптарга ылайыкташтырылган системасын иштеп чыгуу болуп саналат.

Жаңы документ бардык ратификацияланган эл аралык конвенцияларга жана макулдашууларга, үй-бүлөлөрдү жана балдарды коргоо жаатында Кыргыз Республикасы тарабынан кабыл алынган бардык эл аралык милдеттенмелерге ылайык келет.