Эмгек министрлигинде гендердик теңдик жаатында өлкө боюнча серебин даярдоо боюнча ведомстволор аралык жумушчу топтун биринчи отуруму болуп өттү

Бүгүн, 20-декабрда, улуттук керектөөлөргө ылайык гендердик теңдик чөйрөсүндөгү өлкө серебинин темаларын талкуулоо үчүн ведомстволор аралык жумушчу топтун биринчи отуруму болуп өттү.

Мамлекеттик органдардын, жарандык коом уюмдарынын жана эл аралык өнөктөштөрдүн өкүлдөрүнөн турган жумушчу топ Министрлер Кабинетинин Төрагасынын орун басары Э.Ж. Байсаловдун тапшырмасы боюнча түзүлгөн. Жумушчу топтун милдеттерине гендердик теңчиликке жетишүү боюнча улуттук иш-аракеттер планында каралган иш-чаралардын ишке ашырылышына мониторинг жүргүзүү кирет.

“Аналитикалык серептин болушу 2030-жылга чейин гендердик теңчиликтин Улуттук стратегиясынын артыкчылыктуу багыттарын ишке ашырууну тездетүүгө, ошондой эле гендердик теңчиликке жетишүү боюнча чакырыктарды, мүмкүнчүлүктөрдү аныктоого жана конкреттүү сунуштарды иштеп чыгууга мүмкүндүк берет.

Бул иш улуттук деңгээлдеги гендердик теңчилик саясатынын мониторингин жана баалоону жакшыртууга жардам берет жана 2024-жылга пландаштырылган Пекин декларациясын жана Иш-аракет платформасын ишке ашыруудагы жетишкендиктерди жана көйгөйлөрдү Улуттук Комплекстүү сереп салуу үчүн маалыматтарды алуу үчүн жардам.

Баяндама 2025 – жылы Туруктуу өнүгүү максаттарына жетүү жөнүндө экинчи Улуттук ыктыярдуу отчетту даярдоо үчүн ресурс катары кызмат кылат “, – деди гендердик саясат жана үй-бүлөлүк зомбулуктан коргоону координациялоо бөлүмү башчысы Окоева Гульмира.

Сереп аялдардын бирдей катышуусу жана лидерлиги, аялдардын экономикалык жана социалдык укуктарын жана мүмкүнчүлүктөрүн кеңейтүү, гендер жана санариптештирүү, климаттын өзгөрүшү (суу жана башка жаратылыш ресурстарын башкаруу), дүйнөдөгү жана коопсуздуктагы аялдардын маселелери (Баткен облусундагы чыр-чатактарды гендердик талдоо), гендердик зомбулук, сексуалдык жана репродуктивдик ден соолук жана аялдардын укуктары сыяктуу маанилүү темаларды камтыйт.

Ведомстволор аралык жумушчу топтун талкуусунун жыйынтыгында өлкө серебинин структурасын жана методологиясын бекитүү жана талкууланган багыттар боюнча тиешелүү маалыматтарды чогултууну баштоо чечими кабыл алынды.

Иш-чараны Эмгек, социалдык камсыздоо жана миграция министрлиги БУУнун Аялдар түзүмү жана Европа Биримдигинин Өкүлчүлүгү менен биргеликте уюштурган.