Эмгек министри Гүлнара Баатырова Министрликке караштуу ведомстволук бөлүмдөргө пландан тышкары барды

2024-жылдын, 27-январь күнү, Эмгек, социалдык камсыздоо жана миграция министри Гүлнара Баатырова Министрликке караштуу Социалдык коргоо департаментине, Республикалык медициналык-социалдык экспертиза борборуна, Эмгек мыйзамдарын контролдоо жана көзөмөлдөө кызматына пландан тышкары текшерүү жүргүздү.

Министр кызматкерлердин иштөө абалы, шарттары жана жүргүзүп жаткан иштери менен таанышты.

Текшерүүнүн жүрүшүндө Гүлнара Баатырова жумуштарды активдештирүү, кетирилген кемчилдиктерди жоюу, ошондой эле 2024-жылга карата милдеттерди, анын ичинде көрсөтүлгөн социалдык кызматтардын даректүүлүгүн жана сапатын күчөтүү боюнча тапшырмаларды берди.