Эмгек министрлигинин балдар үчүн ишеним телефонуна ар бир жети-сегиз мүнөт сайын чалышат

Эмгек, социалдык камсыздоо жана миграция министрлигинин “Балдар үчүн ишеним телефону 111” ыкчам кызматынын борборунан билдиришкендей, 2023-жылы 77,1 миңден ашык телефон чалуулары түшкөн.

Бул күнүнө 211 чалуу же жети-сегиз мүнөт сайын чалуу.

Ошол эле учурда балдардан чалуулар 30% гана түзөт, калганы ата-энелерден.

Чалгандарга социалдык жардам көрсөтүү, үй-бүлөлүк чыр-чатактар, балдарга карата катаал мамиле жана зомбулук көрсөтүү, баланы тарбиялоо жана жүрүм-турум, мектеп рэкети ж. б. маселелер боюнча жардам талап кылынган.

Ар бир кайрылуу боюнча консультациялар жана сунуштар берилди, зарыл болгон учурда кайрылуу компетенциясына кирген мамлекеттик органдардын тиешелүү аймактык бөлүмдөрүнө жөнөтүлдү.