Эмгек министрлигинде Москва Өкмөтүнүн министри менен жолугушуу өттү

Бүгүн, 30-апрелде, Кыргыз Республикасынын Эмгек, социалдык камсыздоо жана миграция министри Гүлнара Баатырова Москва Өкмөтүнүн министри, Москва шаарынын тышкы экономикалык жана эл аралык байланыштар департаментинин жетекчиси Сергей Черемин менен жолугушту.

“Кызматташтык жана диалог аркылуу гана биз алдыбызда турган кыйынчылыктарды, эмгек, социалдык камсыздоо же миграциялык саясат маселелерин жеңе алабыз. Министрлик биздин өлкөлөр ортосундагы өкмөттөр аралык жана эки тараптуу комиссиялардын алкагында өз позицияларын жактайт”, – деп белгиледи Гүлнара Баатырова.

Өз кезегинде Сергей Черемин белгилегендей, сапардын негизги максаты министрликтин багыттарына тиешелүү маселелер боюнча эки тараптуу мамилелерди бекемдөө жана өнүктүрүү болуп саналат.

Москва Өкмөтүнүн делегациясын Москва өкмөтүнүн тышкы экономикалык байланыштар департаментинин чет элдик инвестициялар боюнча агенттигинин жетекчиси А.М. Наумов жана РФнын Кыргыз Республикасындагы Элчилигинин үчүнчү катчысы Д. М. Домбровский да тааныштырышты.

Жолугушуунун жыйынтыгында тараптар кызматташуунун бардык маселелери боюнча түшүнүшүүгө жетишишти жана өз ара кызыкчылык туудурган маселелер боюнча мындан аркы өз ара аракеттенүүгө жана тажрыйба алмашууга даяр экендиктерин билдиришти.