Эмгек министрлигинин Россиядагы өкүлчүлүгү Кыргызстандын жаранынын сөөгүн алып келүүгө жана компенсацияларды алууга көмөк көрсөттү

Кыргыз Республикасынын Эмгек, социалдык камсыздоо жана миграция министрлигинин Россия Федерациясындагы Өкүлчүлүгү өз ишинин алкагында «Альянс Курулуш компаниясы» ЖЧКсынан 2 миллион рубль өлчөмүндө компенсация алууга 2001-жылы туулган, жумуш ордунда кырсыктан (бийиктиктен кулап) каза болгон кыргыз жараны У.К. үй-бүлөсүнө колдоо көрсөттү.

Өкүлчүлүктүн кызматкерлери маркумдун сөөгүн мекенине алып келүүгө байланыштуу документтерди даярдоодо зарыл жардам көрсөтүү үчүн №1 соттук-медициналык өлүкканага, ошондой эле Москва шаарынын Тергөө комитетине барышкан. Бул чаралардын аркасында мекенине кайтаруу менен байланышкан бардык маселелер ыкчам чечилди.

Министрликтин өкүлчүлүгү Кыргыз Республикасынын чет өлкөлөрдө жүргөн жарандарынын укуктарын жана кызыкчылыктарын коргоо боюнча ишин улантууда.