Эмгек министрлиги: 111 625 адам ар айлык социалдык жөлөкпул алды
Үстүбүздөгү жылдын 1-февралына карата өлкөбүздө 111 625 адам ар айлык социалдык жөлөкпул алды. Анын жалпы суммасы 715457,8 миң сомду түзөт.
Ар айлык социалдык жөлөкпул пенсиялык камсыздандырууга укугу жок, эмгекке жарамсыз жарандарга төмөндөгүдөй өлчөмдө чектелет:
18 жашка чейинки балдарга:
• майыптуулугу бар 18 жашка чейинки балдарга – 8000 сом.;
• баккан адамынан ажыраган балдарга –3000 сом.;
• жетим балдарга – 6000 сом.
Майыптуулугу бар 18 жаштан жогорку адамдарга:
ден соолугунун мүмкүнчүлүктөрү чектелген адамдарга (ДМЧАларга )
I топ – 5500 сом
II топ – 3000 сом
III топ – 2000 сом
Бала кезинен ден соолугунун мүмкүнчүлүктөрү чектелген адамдарга ДМЧАларга
I топ – 8000 сом
II топ – 6600 сом
III топ – 5400 сом
Баатыр энелер (55 жашка чыккандыгы боюнча) – 3000 сом.
Улгайган жарандар (эркектер – 65 жашка, аялдар – 60 жашка чыкканда) – 2000 сом.
Ал эми райондук коэффициенттери белгиленген калктуу конуштарда жашаган жарандарга социалдык жөлөкпул райондук коэффициенттерди колдонуу менен эсептелет.
Ар айлык социалдык жөлөкпул чектөө үчүн зарыл документтер:
паспорт;
арыз;
банктык реквезиттер.
Мамлекеттик органдардын маалымат тутумдарында тиешелүү маалыматтар жок болгон учурда төмөнкү документтер талап кылынат:
• майыптыгын ырастаган МСЭКтин маалымкаты;
• баланын туулгандыгы жөнүндө күбөлүк;
• баккан адамдын кайтыш болгондугу жөнүндө күбөлүк;
• КЖВП ж/а АИВКБдан (ВИЧ/СПИД борбору) маалымкаты;
• баатыр эненин күбөлүгү.
Ар айлык социалдык жөлөкпул дайындоо үчүн жарандар жашаган жериндеги райондук (шаардык) Эмгек, социалдык камсыздоо жана миграция башкармалыктарына кайрылуусу зарыл.
2025-02-27
