Эмгек министрлиги: Бир жылдын ичинде 550 социалдык кызматкер иштей баштайт

2025-жылдын январында 550 социалдык кызматкерди ишке киргизүү боюнча президенттин жарлыгы чыккан. Бул тууралуу Эмгек, социалдык камсыздоо жана миграция министринин орун басары Кыял Жанузакова 17-мартта Жогорку Кеңештин Социалдык комитетинин жыйынында билдирди.

Анын айтымында, алар жыл бою этап менен, жалпысынан беш этап менен иштей башташат. Ар бир 4 миң балага 1 социалдык кызматкер туура келет.

Министрдин орун басары белгилегендей, социалдык кызматкер балдардын укуктарын жана кызыкчылыктарын коргойт.