Эмгек министри Канат Сагынбаев: Эмгек өндүрүмдүүлүгүн жогорулатуу жумушчулардын, ишкерлердин жана мамлекеттин кызыкчылыктарын канааттандырат

КР Эмгек, социалдык камсыздоо жана миграция министри Канат Сагынбаев Ысык-Көл облусунда өтүп жаткан Кыргызстан кесиптик бирликтер федерациясынын XXVII съездинин ишине катышты.

Ведомство башчысы өз сөзүндө Кыргызстандагы социалдык диалог эмгек мамилелерин жөнгө салуудагы негизги демократиялык куралдардын бири болуп калганын белгиледи. Ал Министрлер кабинети, Профсоюздар федерациясы жана иш берүүчүлөрдүн бирикмелери ортосунда 2025–2027-жылдарга жаңы Башкы макулдашууга кол коюлганын эске салды.

К.Сагынбаев эмгек өндүрүмдүүлүгүн жогорулатуунун жана заманбап технологияларды киргизүүнүн маанилүүлүгүн баса белгилеп, бул бир эле учурда ишкердикти чыңдоого, өлкөнүн экономикалык потенциалын жогорулатууга жана кызматкерлер үчүн татыктуу эмгек акыны камсыздоого мүмкүндүк берет. «Татыктуу эмгек туруктуу өнүгүүнүн негизги максаттарынын бири болуп саналат. Эмгек өндүрүмдүүлүгү канчалык жогору болсо, Кыргызстандын экономикалык өнүгүүсүнө жумушчулардын салымы ошончолук көп болот», — деп билдирди министр.

Соңунда министр съезддин катышуучуларына ийгиликтерди жана коюлган милдеттерди ишке ашырууну каалады.

Кыргызстандын Кесиптик бирликтер федерациясынын XXVII Съездинде Министрлер кабинетинин төрагасынын орун басары Э.Ж.Байсалов, тармактык кесиптик кошуун уюмдарынын делегаттары жана өкүлдөрү, депутаттар, ошондой эле КМШ өлкөлөрүнөн, Борбордук Азиядан, Түркиядан, Европадан келген кесиптик кошуун бирикмелеринин жетекчилери жана өкүлдөрү, эл аралык уюмдардын жана чет элдик өнөктөштөрдүн өкүлдөрү катышты.