Кыргызстан жана Корея Республикасы EPS системасынын алкагында жумушка орноштуруу боюнча кызматташтыкты жаңы деңгээлге чыгарууда
2026-жылдын 17-сентябрында Кыргыз Республикасынын Президенти Садыр Жапаровдун Корея Республикасына жасаган расмий иш сапарынын жыйынтыгында кыргыз-корей мамилелерин мындан ары бекемдөөгө багытталган бир катар маанилүү эки тараптуу документтерге кол коюлду.
Иш сапардын алкагында Кыргыз Республикасынын Эмгек, социалдык камсыздоо жана миграция министрлиги менен Корея Республикасынын Эмгек жана жумуштуулук министрлиги жумуш берүүгө уруксат берүү (EPS) системасынын алкагында Кыргыз Республикасынын жарандарын Корея Республикасында жумушка орноштуруу боюнча өз ара түшүнүшүү жөнүндө Меморандумга кол коюшту.
Кол коюлган документтин негизги аспектилери:
Укуктук негиз: Меморандум кореялык эмгек рыногунда кыргызстандыктарды мыйзамдуу, коопсуз жана иреттүү жумушка орноштуруу үчүн ишенимдүү уюштуруучулук жана укуктук базаны түзөт.
*Тандоо процедурасы жана EPS-TOPIK: Документ кыргызстандыктардын ачык-айкын тандоо процедураларына, анын ичинде корей тилин билүү боюнча экзаменди (EPS-TOPIK) ийгиликтүү тапшыруусуна расмий катышуусун жөнгө салат.
Ишкерлердин укуктарын коргоо: Макулдашуу эки өлкөнүн компетенттүү органдарынын миграциялык процесстерди өркүндөтүү жана Кыргыз Республикасынын эмгектенип жаткан жарандарын ар тараптуу укуктук коргоо маселелеринде тыгыз кызматташуусуна багытталган. Бул Меморандумга кол коюу эки мамлекеттин ортосундагы өнөктөштүктү тереңдетүүдөгү маанилүү кадам болуп саналат жана кыргызстандыктардын эмгек миграциясы үчүн жаңы расмий мүмкүнчүлүктөрдү ачат.
