15 миңден ашуун майыптыгы бар адамдардын жеке ассистентине азык-түлүк жардамы көрсөтүлдү

 

Бириккен Улуттар Уюмунун Дүйнөлүк азык-түлүк программасынын (БУУ ДАТП) Кыргыз Республикасында 2023–2027-жылдарга карата Өлкөлүк стратегиялык планынын алкагында ден соолугунун мүмкүнчүлүгү чектелген балдардын, ошондой эле 18 жаштан жогорку, бала кезинен I топтогу майыптыгы бар жана туруктуу кароого жана көзөмөлгө муктаж адамдардын жеке ассистенттерине азык-түлүк жардамы көрсөтүлүүдө.

Бул демилгени ишке ашыруу максатында Кыргыз Республикасынын Эмгек, социалдык камсыздоо жана миграция министрлиги тарабынан жеке ассистенттерди азык-түлүк жардамы менен камсыз кылуу боюнча тиешелүү буйрук чыгарылган.

Республиканын аймагында жалпы 15 846 жеке ассистентке 1 949 тонна көлөмүндө азык-түлүк жардамы көрсөтүлдү.

Аталган колдоого ээ болгон ар бир үй-бүлөгө төмөнкү азык-түлүк топтому берилди:

  • 100 кг буудай уну;

  • 10 литр өсүмдүк майы;

  • 12,5 кг сары жарылган буурчак.

Бул демилге ден соолугунун мүмкүнчүлүгү чектелген балдарга жана адамдарга туруктуу кам көргөн үй-бүлөлөргө кошумча колдоо көрсөтүүгө, ошондой эле алардын социалдык абалын жакшыртууга багытталган.

Пайдалуу
Ссылкалар