2022-жылы Эмгек министрлиги өлкө боюнча 100 жумуш жарманкесин өткөргөн

Бош орундар жарманкесине 1,2 миңден ашуун жумуш берүүчү жана 23,4 миң жумушсуз жарандар, биринчи кезекте жаштар катышты, деп билдирди Эмгек, социалдык камсыздоо жана миграция министри Кудайберген Базарбаев.

Анын айтымында, жарманкелерде 25,5 бош жумуш орундары аныкталды.

“Өткөн жылы Эмгек министрлигинин линиясы боюнча жалпысынан 23 миңге жакын жумушсуз жаран жумушка орношкон, дагы 15 миңи акы төлөнүүчү коомдук иштерге жөнөтүлгөн. Дагы 7,5 миң адам эмгек рыногунда талап кылынган кесиптерге кесиптик окутуудан өткөн.

Бул-газ электр ширетуучу, чач тарач, компьютер оператору, 1С билими бар бухгалтер, ашпозчу, тигүүчү, тигүүчү, офис-менеджер, электр куроочу, айдоочу”, – деди ал.

Кудайберген Базарбаев азыркы учурда Бишкек, Каракол, Нарын, Талас, Жалал-Абад, Өзгөн, Ош, Баткен шаарларында кесиптик багыт берүүчү 8 борбор иштеп жатканын, алар жаштарга кесип тандоодо жардам берип, өлкөдөгү жумушсуздуктун деңгээлин төмөндөтүүгө көмөк көрсөтөөрүн белгиледи.