Кадамжай районунда “Социалдык контракт” долбоорунун катышуучуларына 100 мин сомдук сертификатар берилди

Кыргыз Республикасынын Президенти С.Н.Жапаровдун демилгеси жана КРнын Министрлер Кабинетинин чечимине ылайык Кадамжай районунда аз камсыз болгон үй-бүлөлөргө социалдык контракттын негизинде көрсөтүлүп жаткан социалдык жардам берилүүдө.

Бул иш-чаранын негизги максаттары – аз камсыз болгон үй-бүлөлөрдү турмуштук оор кырдаалдан чыгууга активдүү аракеттерге шыктандыруу, өз алдынча иш менен камсыз кылуу үчүн шарттарды жана кошумча жумуш орундарын түзүү.

Аз камсыз болгон үй-бүлөлөргө бизнес проекттерин ишке ашырууга сертификаттарды тапшыруу аземи КРнын Жогорку Кеңешинин депутаты Ы.Атажановдун жана Кадамжай райондук администрациясынын башчысы-аким К.Шакиров, акимдин орун басары М.Асанова жана Кадамжай райондук эмгек, социалдык камсыздоо жана миграция башкармалыгынын башчысы Г.Осмонованын катышуусунда болуп өттү.

Кадамжай районунда бүгүнкү күндө 143 үй-бүлөгө 100 миң сомдук сертификаттар берилди.