Нурдөөлөт Базарбаев Балдарды коргоо күнү менен куттуктады

Америка Кошмо штаттарында жашап жана иштеп жаткан мигрант мекендештердин демөөрчүлүгү менен Балыкчы шаарында борбордук сейил багы ачылган. 2023-жылдын 1- июнунда аталган сейил багында Балдарды коргоо эл аралык күнүнө карата иш чара уюштурулду.

Ал иш – чарага Кыргыз Республикасынын Эмгек, социалдык камсыздоо жана миграция министринин орун басары Н.С.Базарбаев , Кыргыз Республикасынын Жогорку Кеңешинин депутаты М.К.Сарбагышев жана жергиликтүү бийликтин өкүлдөрү катышып, куттуктоо сөздөрүн айтышты.

Иш – чара учурунда, Министрлик тарабынан Балыкчы шаарынын социалдык аярлуу катмарына жана экономикалык тармагына салган зор салымы учун демөөрчү мекендештердин ата-энелерине ыраазычылык каттар тапшырылды.