БУУнун тегерек столунда Эмгек министри Гүлнара Баатырова гендердик теңчиликти каржылык колдоо боюнча сөз сүйлөдү

Бүгүн КР Эмгек, социалдык камсыздоо жана миграция министри Гүлнара Баатырова Нью-Йорк шаарында өтүп жаткан БУУнун аялдардын абалы боюнча комиссиясынын 68-сессиясынын алкагында “Гендердик теңчиликке жетишүү жана бардык аялдардын, кыздардын укуктарын жана мүмкүнчүлүктөрүн кеңейтүү үчүн институттарды бекемдөө, финансылык каражаттарды максималдуу натыйжалуу пайдалануу жаатындагы алдыңкы тажрыйба” темасында баяндама жасады.

Министр өз сөзүндө аялдарга инвестиция салуу жалпы коомдун өнүгүшүнө өбөлгө түзөрүн белгиледи.

“Аялдарга билим берүү, саламаттыкты сактоо жана экономика жаатында бирдей мүмкүнчүлүктөрдү берүү институттарды бекемдөөгө жана өлкөнүн туруктуу өнүгүүсү үчүн жагымдуу шарттарды түзүүгө жардам берет”,-деди Гүлнара Баатырова.