Эмгек жана социалдык камсыздоо министрлиги: 11 айда 123 миңден ашуун адам ишке орноштуруу жана иш менен камсыз кылуу чаралары менен камтылган

Эмгек, социалдык камсыздоо жана миграция министрлигинин маалыматы боюнча, 2024-жылдын 11 айында ишке орноштуруу кызматтары тарабынан 15 243 жумушсуз жаран ишке орноштурулган.

Эмгек рыногунда жумушсуздардын атаандаштыкка жөндөмдүүлүгүн жогорулатуу максатында ишке орноштуруу кызматтары 7380 адамды кесиптик окууга жиберишти. Жумушсуз жарандарды окутуу негизинен эмгек рыногунда талап кылынган кесиптер боюнча жүргүзүлдү. Булар компьютердик операторлор, сатуучу агенттер, ашпозчулар, косметологдор, чач тарачтар, визажисттер, котормочулар, 1С билими бар бухгалтерлер, тигүүчүлөр, айдоочулар, электр жана газ менен ширетүүчүлөр, сантехниктер, балчылар.

Ошол эле учурда кесипке багыт берүү борборлору учурда Бишкек, Каракол, Нарын, Талас, Жалал-Абад, Өзгөн, Ош, Баткен шаарларында, ошондой эле Чүй облусунун Сокулук районунда иштеп жатат. Кесипке багыт берүү борборлору жана министрликтин аймактык башкармалыктары сапаттуу консультациялык кызматтарды көрсөтүп, окуучуларга жана жумушсуздарга кесип тандоодо туура чечим кабыл алууга жана өлкөдөгү жумушсуздуктун деңгээлин төмөндөтүүгө көмөктөшөт. Жыл башынан бери алар 101 877 жаранга кеңеш беришти.

Ошондой эле 10 миң 394 адам убактылуу ишке орноштуруу менен мамлекеттик акы төлөнүүчү жумуштарга жөнөтүлгөн.

Дүйнөлүк азык-түлүк программасынын биргелешкен долбоордун алкагында республика боюнча айыл өкмөттөрүндө 467 инфраструктуралык, окутуу жана киреше алып келүүчү долбоор ишке ашырылган. Бул долбоорлорго жалпысынан 61276 адам катышкан. Бул долбоорлорду ишке ашыруунун алкагында 3183 тоннадан ашык азык-түлүк (ун жана өсүмдүк майы) таратылган.

Кыргызстанда социалдык контракт калкты иш менен камсыз кылууга көмөктөшүү жана социалдык колдоо көрсөтүү боюнча активдүү чаралардын бири катары каралат. Бүгүнкү күндө социалдык контракттын катышуучулары аркылуу 29 миңден ашуун жумушчу орун түзүлдү.