Министр Равшанбек Сабиров жарандарды жеке кабыл алды
Бүгүн, 27-июнда, Кыргыз Республикасынын Эмгек, социалдык камсыздоо жана миграция министри Равшанбек Сабиров жарандарды кабыл алуу жүргүздү.
Белгиленген графикке ылайык министрге төмөнкү маселелер боюнча жарандар кайрылышты:
жашы жете элек уулунун укуктарын коргоо маселеси; майыптуулугу бар жарандарды ишке орноштуруу жана кесиптик окутуу; майыптуулугу бар адамдар үчүн жеңилдиктер боюнча; кош кызматка эмгек акынын төлөнбөй жатканы ж.б.Ар бир кайрылуу каралып, бардык маселелер боюнча тиешелүү тапшырмалар берилип, мыйзам чегинде чечүү үчүн чаралар көрүлөт.
Министрлик жарандар менен ачык диалог жүргүзүү жана социалдык көйгөйлөрдү чечүүгө көмөк көрсөтүү иштерин улантат.
2025-06-27
