Кыргызстанда майыптыгы бар адамдар үчүн жеке ассистенттердин саны көбөйдү

Кыргыз Республикасынын Эмгек, социалдык камсыздоо жана миграция министрлигинин маалыматына ылайык, 2025-жылдын 1-июлуна карата майыптыгы бар адамдарга кызмат көрсөткөн жеке ассистенттердин саны 14 906 адамга жетип, аларга 793 миллион сомдон ашуун каражат өкмөттүн 2018-жылдын 23-ноябрындагы №556 токтомуна ылайык төлөндү.

Майыптыгы бар адамдардын жалпы саны 15 225ти түздү, анын ичинен 9 582си — 18 жашка чейинки балдар, 5 643ү — чоң адамдар.

Салыштыруу үчүн: 2024-жылдын 1-июлуна карата 14 537 жеке ассистентке – 635 млн сом которулган. Ал кезде майыптыгы бар адамдардын саны 14 848 болгон.

«Төлөмдөрдүн жана жеке ассистенттердин санынын өсүшү — майыптыгы бар адамдарды колдоо жана камкордук менен камсыз кылуу багытында мамлекеттин аракеттеринин жыйынтыгы», — деп белгилешти министрликтен.