Жогорку Кеңеш Канат Сагынбаевди Эмгек, социалдык камсыздоо жана миграция министри кызмат ордуна бекитти
2025-жылдын 3-сентябрында Кыргыз Республикасынын Жогорку Кеңешинин жыйынында депутаттар Канат Латипжанович Сагынбаевди Эмгек, социалдык камсыздоо жана миграция министри болуп дайындоону бир добуштан бекитишти.
Анын талапкерлигин Президент Садыр Жапаровдун сунушун колдоп, 81 депутат эч кандай талкуусуз добуш берди.
Депутаттардын алдында сүйлөгөн сөзүндө жаңы министр көрсөтүлгөн ишеним үчүн ыраазычылык билдирип, жүктөлгөн милдеттерди аткарууга бардык күч-аракетин жумшоого даяр экенин белгиледи. Ал иштин негизги багыттарын атады: жаштардан тартып улгайган жарандарга чейин бардык социалдык топторду коргоо жана колдоо, майыптуулугу бар жарандарга көңүл буруу жана турмуштук оор кырдаалга туш болгондорго жардам көрсөтүү, ошондой эле эмгек миграциясына байланыштуу маселелерди чечүү — кыргызстандыктардын чет өлкөгө чыгышы жана чет өлкөлүк жумушчуларды кабыл алуу.
«Ар бир инсан— бул өлкөбүздүн адамдык капиталынын бир бөлүгү. Биздин милдет — адамдардын потенциалын, талантын жана жөндөмдөрүн ачууга шарт түзүү, бул Кыргызстанды өнүктүрүүгө шарт түзөт», — деп белгиледи Канат Сагынбаев жана анын иши 2030-жылга чейинки Улуттук өнүктүрүү стратегиясына шайкеш болорун кошумчалады.
Министр ошондой эле Жогорку Кеңеш, Президент жана Министрлер Кабинети менен коюлган милдеттерди чечүүдө тыгыз кызматташууга даяр экенин билдирди.
