Кыргызстандын аймактарында протездик-ортопедиялык мекеменин дарыгерлери жеринде текшерүү жүргүзүүдө

Кыргыз Республикасынын Эмгек, социалдык камсыздоо жана миграция министрлигине караштуу Республикалык протездик-ортопедиялык буюмдар мекемесинин дарыгерлер бригадасы бекитилген графикке ылайык, жыл сайын республика боюнча көчмө кабыл алууларды жүргүзүп келет.

Бул иш-чаралардын негизги максаты – протездик-ортопедиялык буюмдарды даярдоого буйрутмаларды кабыл алуу жана жарандарга консультациялык жардам көрсөтүү. Бул практика менен бейтаптар борборго барбастан, өз аймактарында кесиптик кызматтарды алуу мүмкүнчүлүгүнө ээ болушат.

Даярдалган буюмдар почта аркылуу бейтаптарга жеткирилет, бул өзгөчө алыскы аймактарда жашаган мүмкүнчүлүгү чектелген жарандар үчүн кызматтарды жеткиликтүү жана ыңгайлуу кылат.

Акыркы жылдардагы иштин жыйынтыктары:

2024-жылы көчмө кабыл алуулар алкагында республика боюнча 1543 буйрутма кабыл алынган:

Нарын облусу – 454 жуп ортопедиялык бут кийим, 12 протездер;

Ысык-Көл облусу – 688 жуп бут кийим, 18   протездер;

Талас облусу – 360 жуп бут кийим, 11 протездер.

2025-жылдын 8 айында дарыгерлер тарабынан 808 буйрутма кабыл алынган:

Нарын облусу – 434 жуп ортопедиялык бут кийим, 13 протездер;

Талас облусу – 350 жуп бут кийим, 11 протездер.

Ысык-Көл облусунда  иш пландуу түрдө улантылууда.

Мекеменин ишмердүүлүгү протездик-ортопедиялык жардамга муктаж жарандардын жашоо сапатын жакшыртууга багытталган жана калкты социалдык колдоо системасында маанилүү роль ойнойт.