2018-жылдын январь айынан тарта төрөлгөн балдарга “балага сүйүнчү” төлөмдү чектөө жана төлөө тартиби жөнүндө жарандарга маалымат

“Балага сүйүнчү” кимге чектелет

2018-жылдын 1-январынан тарта төрөлгөн балдарга (толук мамлекеттик камсыздоодо болгон балдардан тышкары)

“Балага сүйүнчү” өлчөмү канча?

  • “Балага сүйүнчүнүн” өлчөмү ар бир балага 4000 сомду түзөт;
  • Бир мезгилде үч же андан көп бала төрөлгөн учурда,“балага сүйүнчү” ар бир балага 50,0 миң сом өлчөмүндө төлөнөт

Арызды кайсыл жерге берсе болот

Факт түрүндө жашаган жери боюнча:

  • Калкты тейлөө борборлоруна (КТБ);

Жарандык абал актыларын каттоо органдарына

Арызды ким берсе болот?

  • бала менен жашаган ата-энесинин бири;
  • бала менен жашаган камкорчу;
  • бала менен жашаган асырап алган адам;
  • ишеним каттын негизинде ишенимдүү адам

“Балага сүйүнчү Кыргыз Республикасында жашап жаткан адамдарга чектелет:

 Кыргыз Республикасынын жарандарына;

– кайрылман күбөлүгү бар этникалык кыргыздарга;

– балдары бар үйбүлөлөргө социалдык жөлөкпулду, компенсациялык төлөмдөрдү жана алименттерди берүү чөйрөсүндөгү жарандардын кепилденген укуктарды жөнүндө Макулдашуунун катышуучумамлекеттин чет өлкөлүк жарандарга: 

  • Россия Федерациясы;
  • Казахстан Республикасы
  • Беларуссия Республикасы;
  • Өзбекистан Республикасы;

 

  • Молдова Республикасы;
  • Таджикистан Республикасы;
  • Армения Республикасы;
  • Украина

“Балага сүйүнчүнү” чектөө үчүн өзгөчө шарттар барбы

  • “Балага сүйүнчү үчүн арыз бала төрөлгөн күндөн баштап алты ай ичинде тапшырылышы керек.

    Ушул мөөнөттөн кеч кайрылган учурда “балага сүйүнчү” чектелбейт.

Кайсыл документтерди тапшыруу керек?

  • арыз ээсинин паспорту;

Эгерде арызды камкорчу же ишенимдүү адам тапшырса, анда кошумча документ талап кылынат:

  • Камкорчу үчүн – балага камкорчу дайындоо жөнүндө соттун чечиминин көчүрмөсү;
  • Ишенимдүү адам үчүн – жарандык мыйзамдарга ылайык таризделген ишеним кат;

Зарыл болгон учурда:

  • Кайрылмандын күбөлүгүнүн көчүрмөсү (кайрылмандар үчүн);
  • баланын ата-энесинин жашап туруу укугунун көчүрмөсү (чет өлкөлөрдүн жарандар үчүн).

КӨҢҮЛ БУРУҢУЗДАР!

  • Арыз ээси арызда көрсөтүлгөн маалыматтын тууралыгын текшериши керек, андан кийин өзүнүн колун коюш керек.
  • Акча каражаты арыз берилген күндөн 2 иш күнүнүн ичинде банктык эсепке  түшөт. 
  • Сиз акча каражатты РСК жана Айыл банктын каалаган филиалдарынын кассасы аркылуу, арыз берген күндөн тарта  6 айдан кеч эмес мөөнөттө алышыңыз керек.  

Баардык суроолор боюнча жашаган жериңиздеги райондук/шаардык эмгек жана социалдык өнүгүү башкармалыктарына кайрылууңузду суранабыз, же:  

– http://mlsp.gov.kg сайтына;

– 0 (312) 45-40-62 жана 0 (312) 45-40-59 телефондор боюнча.