Афганстандан советтик аскерлердин чыгарылышынын 30 жылдыгына карата КРнын Өкмөтүнүн буйругу менен 5000 сом өлчөмүндө бир жолку кошумча акчалай төлөмдөр жүргүзүлүүдө

Афганстандан советтик аскерлердин чыгарылышынын 30 жылдыгына карата 2019-жылдын 12-февралында №18-р Кыргыз Республикасынын Өкмөтүнүн буйругу кабыл алынды.

Буйрука ылайык 5000 сом өлчөмүндө бир жолку төлөнүүчү кошумча акчалай каражат:

- башка мамлекеттин аймактарында согуштук аракеттерде жаракат алган майып - аскер кызматчыларына (5411 адам);

- башка мамлекеттин аймактарында согуштук аракеттердин катышуучуларына (138 адам);

- башка мамлекеттин аймактарында аскердик кызматтын милдеттерин аткарууда курман болгон аскер кызматчыларынын үй-бүлөлөрүнө (142 адам) төлөнөт.

Бир жолку төлөнүүчү кошумча акчалай каражат 2019 –жылдын 13 – февралынан баштап төлөнө баштады.

Кыргызча

КРнын Эмгек жана социалдык өнүгүү министрлигинин 2018- жылдын жыйынтыгы жана 2019-жылга карата иш-планына арналган Коллегиясынын отуруму өттү

13-февралда, Бишкекте, КРнын Эмгек жана социалдык өнүгүү министрлигинин 2018- жылдын жыйынтыгы жана 2019-жылга карата иш-планына арналган Коллегиясынын отуруму өттү. Анда КРнын вице-премьер-министри А.С. Омурбекова, КРнын Жогорку Кеңешинин депутаты А.С.Токторов катышышып, Министрликтин ишмердүүлүгү боюнча сын-пикирлерин жана сунуштарын белгилешти.

КРнын Эмгек жана социалдык өнүгүү министри Улукбек Кочкоров Министрликтин негизги приоритеттүү маселелерин белгилеп, калкты социалдык коргоо жаатында, тактап айтканда, мамлекеттик социалдык кызматтарды калкка жеңилдетүү жана жөнөкөйлөштүрүү боюнча иш-чаралар жүргүзүүлөрүн айтты.

Кыргызча

ДМЧБ жеке ассистент дайындоонун, аларга акы төлөө боюнча семинар окутуу уюштурулду

КРнын Эмгек жана социалдык өнүгүү министрлигине караштуу территориалдык Эмгек жана социалдык өнүгүү башкармалыктарынын, райондор аралык медико-социалдык экспертизалоо комиссияларынын, социалдык стационардык мекемелердин жетекчилерине дайыма көзөмөлгө муктаж болгон ден соолугунун мүмкүнчүлүгү чектелген балдарга социалдык кызмат көрсөткөн жеке ассистенттерди дайындоонун, аларга акы төлөөнүн жол жоболору тууралуу атайын окутуу уюштурулду.  

Иш-чаранын алкагында министрдин орун басары Жаныл Алыбаева территориалдык кызматкерлер жеке ассистент болуу үчүн кайрылшан жарандарга керектүү документтерди чогултууда көмөк көрсөтүүнү баса белгиледи.

Семинарда ден соолугунун мүмкүнчүлүгү чектелген баланын жеке ассистентине акы төлөө боюнча каржылоо механизми, ошондой эле ыктыярдуу патент жана камсыздандыруу полисин алуу боюнча маалымат берилди.   

Бүгүнкү күндө жеке ассистент болуп 2556 жаран катталды. Аларга мамлекеттик бюджеттен айлык акы төлөө үчүн 14 млн. сомдон ашык каражат бөлүндү. 

Кыргызча

КРнын ЭжСӨМги райондук/шаардык эмгек жана социалдык өнүгүү башкармалыктарынын кызматкерлерине семинар өткөрдү

Кыргыз Республикасынын Эмгек жана социалдык өнүгүү министрлиги, Кыргыз Республикасынын Улуттук Кызыл жарым Ай коомунун техникалык колдоосу менен 2019-жылдын 5-6-февралында «Кыргыз айылы» этно-комплексинде “Жашаган жери боюнча улгайган жарандарга социалдык кызматтарды көрсөтүү” темасында эки күндүк семинар өткөрүлдү.

Семинардын максаты, мыйзамдын негизинде ден соолугунун мүмкүнчүлүгү чектелген адамдарга жана улгайган жарандарга үйүнө барып социалдык жактан тейлөө сапатын жогорулатуу, социалдык кызмат көрсөтүү чөйрөсүндөгү айрым ченемдик укуктук актыларына сунуштарды берүү жана социалдык кызматкерлердин көйгөйлөрүн чечүү боюнча сунуштамаларды иштеп чыгуу болгон.

Семинарга Бишкек шаарынын 4 районунан, Ысык-Көл облусунун Каракол шаарынын, Чүй облусунун Токмок шаарынан жана Жайыл райондук социалдык өнүгүү башкармалыктарынын социалдык кызматкерлери, социалдык кызмат көрсөтүүлөр менен камсыз кылуу бөлүмүнүн башчылары жана башкы адистери жалпы 30 кызматкер катышышты.

Кыргызча

Токмоктогу №2 психоневрологиялык ССМ 70 миң 765 долларлык жардам алды

Токмоктогу №2 психоневрологиялык социалдык стационардык мекеме 70 миң 765 долларлык жардам алды.

2018-жылдын 19-фералында кол коюлган гранттык келишимдин негизинде аталаган мекемеге тиричилик техникалары, эмерек жана курулуш материалдары берилди:

  • уктоо керебети – 20 даана;
  • кийим илүүчү шифоньер – 4 даана;
  • ашкана үстөлү – 30 даана;
  • ашкана отургучу – 120 даана;
  • килем дорожкасы – 250 м.;
  • килем – 7 даана;
  • кургаткыч – 1 даана;
  • тоңдургуч – 1 даана;
  • линолеум – 702 чарчы м.;
  • брусчатка – 5192 чарчы м.

Гранттык жардам япон өкмөтүнүн «Өсүмдүк тамыры жана адамзат коопсуздугу» гранттык программасынын алкагында ишке ашкан.

Жардам алган мекемеге техникаларды тапшыруу аземине КРнын Эмгек жана социалдык өнүгүү министринин орун басары Жаныл Алыбаева, Япониянын Кыргызстандагы толук ыйгарым укуктуу элчиси Ёсихиро Ямамур катышты.

Кыргызча

КРны ЭжСӨ Министрлиги "балага сүйүнчү" төлөмү боюнча Өмүрбек Бердимуратовдун кайрылуусуна түшүндүрмө берет

КРнын Эмгек жана социалдык өнүгүү министрлигинин дарегине жарандардан бала төрөлгөндө бир жолу төлөнүүчү “балага сүйүнчү” акча каражатын бир нече ай алалбай жаткандары тууралуу кайрылуулар түшкөндүгүнө байланыштуу Министрлик төмөнкүлөрдү билдирет.   

Мисал катары Бердимуратов Өмүрбек жарандын КРнын Президенти С.Ш. Жээнбековго Facebook социалдык тармак аркылуу “балага сүйүнчү” алуу үчүн документтерин 4 ай мурда тапшыргандыгы (Таалайбек кызы Гульзар), бирок 4 миң сом өлчөмүндө акча каражатын алалбай жатканы жөнүндө жазган кайрылуусун келтиребиз.

Министрлик аталган жагдайды текшергенде Таалайбек кызы Гүлзар Үч-Терек районунун жарандык абалдын актыларын каттоо бөлүмүнө 2018-жылдын 11-ноябрында арызы менен кайрылган. Токтогул районунун эмгек жана социалдык өнүгүү башкармалыгы өз кезегинде 2018-жылдын 19-ноябрында “Кыргызстан” банкы аркылуу Таалайбек кызы Гүлзарга акча каражатын которгон.

Банк мыйзамдарына ылайык, жарандын атына эсеп-счету ачылса, анда акчаны накталай алуу үчүн өзүн күбөлөндүрүү документи (паспорт) менен кайрылуусу зарыл.

Банктын ыкчам бөлүмүнүн башкы адиси арыз ээсинин ордуна бир нече жолу башка адам келгендигин белгилеп, банктардын эрежелерине ылайык эсеп-счеттун ээсинен тышкары башка адамдардын колуна акча каражаты берилбегендигин түшүндүрдү.

Кыргызча

Чолумова: 111ге чалган балдар көбүнчө жалгызсырарын айтышат

Эмгек жана социалдык өнүктүрүү министрлигинин Үй-бүлөнү жана балдарды коргоо башкармалыгынын башчысынын милдетин аткаруучу Назгүл Чолумова балдардын зомбулугунун алдын алуу максатында 111 номериндеги ишеним телефону иштерин айтты.

Кыргызча

Багууга жана көзөмөлгө дайыма муктаж болгон ден соолугунун мүмкүнчүлүгү чектелүү баланын жеке ассистентинин кызмат көрсөтүүлөрүнө акы төлөө шарттары тууралуу маалымат

КРнын Эмгек жана социалдык өнүгүү министрлиги багууга жана көзөмөлгө дайыма муктаж болгон ден соолугунун мүмкүнчүлүгү чектелүү баланын жеке ассистентинин кызмат көрсөтүүлөрүнө акы төлөө шарттары боюнча төмөнкүлөрдү маалымдайт.

Аталган жаңы социалдык кызмат КРнын Өкмөтүнүн токтому менен  2019-жылдын 1-январынан тартып күчүнө кирди. Жеке ассистентке төлөнүүчү айлык акынын өлчөмү жашоо минимумунун өлчөмүнө байланган. Учурда бул сумма 4900 сомду түзөт.

Кимдер жеке ассистент боло алат?

Ата-энеси, мыйзамдуу өкүлү (асыроочулар, көзөмөлчүлөр, камкорчулар), жакын туугандары (чоң атасы, чоң апасы, таятасы, таянеси, ата-энеси бир жана ата-энеси башка эркек жана кыз бир туугандары, багып алган ата-энеси) же 65 жашка чейинки тиешелүү окутуудан өткөн башка адамдар. Жеке ассистент бир эле мезгилде бир үй-бүлөдөн бир нече ден соолугунун мүмкүнчүлүгү чектелүү баланы (эки жана андан ашык) баккан учурда ар бир бала үчүн кызмат көрсөтүүлөргө төлөөдөн 50 пайыз өлчөмүндө үстөк төлөнөт.

Жеке ассистент болуу үчүн кайсыл мекемеге кайрылуу зарыл?

Кыргызча

Кыргыз Республикасынын Эмгек жана социалдык өнүгүү министрлиги “Социалдык кызматты бүтүрүүчүлөр ассоциациясы” Коомдук бирикмеси менен өз ара кызматташуу боюнча келишим түздү

Кыргыз Республикасынын Эмгек жана социалдык өнүгүү министрлиги “Социалдык кызматты бүтүрүүчүлөр ассоциациясы” Коомдук бирикмеси менен өз ара кызматташуу боюнча келишим түздү.  

Кызматташуунун алкагында тараптар турмуштук оор кырдаалга кабылган үй-бүлөлөргө, балдарга, ден соолугунун мүмкүнчүлүгү чектелүү адамдарга жана улгайган жарандарга социалдык кызматтарды өнүктүрүү жаатында иш алып барышат.  

Жыйындын жүрүшүндө Улукбек Кочкоров КРнын Эмгек жана социалдык өнүгүү министрлигине калктын ишеним индексин жогорулатуу боюнча аракеттер жазалышы керектигин баса белгиледи.  

Кыргызча

Министр Улукбек Кочкоров Баткен облусунун калкы менен жолугушууга барды

Иш сапардын алкагында  Улукбек Кочкоров Кадамжай, Лейлек, Баткен райондорунун, Кызыл-Кыя, Сүлүктү, Баткен шаарларынын калкы менен жолугушту. Жергиликтүү эл министрге өз көйгөйлөрү боюнча суроолорун берип, жооп алышты.

"2019-жылдын 1-январынан тарта ден соолугунун мүмкүнчүлүгү чектелген, дайым кароого муктаж 18 жашка чейинки балдарын карагандарга мамлекет айлык төлөп баштады. Бул долбоор алгачкы жолу ишке ашып жатат, келечекте мамлекеттин мүмкүнчүлүгүнө жараша дагы өзгөрүлөр болот",-деди У.Кочкоров.

Мындан тышкары министр аз камсыз болгон үй бүлөөлөргө берилүүчү жөлөк пулдун даректүү жетүүсү жөнүндө иш жүрүп жатканына токтолду.

Кыргызча

Pages