Былтыр кароосуз калган 11 бала Орусиядан кыргыз жергесине алынып келинген

Былтыр кароосуз калган 11 бала Орусиядан кыргыз жергесине алынып келинген. Муну бүгүн, 25-мартта маалымат жыйынында Эмгек жана социалдык өнүгүү министрлигинин үй-бүлөлөрдү жана балдарды коргоо бөлүмүнүн жетекчиси Гүлмира Ахматова билдирди. Анын айтымында, Орусияда кароосуз калган балдар эмгек мигранттарынын балдары болуп эсептелет.

"Тилекке каршы, чет өлкөдө жүргөн кээ бир мекендештерибиз балдарын бага албай балдар үйлөрүнө калтырып кетишет. Бизде бир гана Орусиядан ушундай балдар мекенине кайтарылып келүүдө. Мындай иштерге бюджеттен жыл сайын 2 миллион сомго жакын каражат бөлүнөт, анткени бир баланы кыргыз жергесине алып келүү үчүн орто эсеп менен 70 миң сом жумшалат.

Балдар Орусиядан келгенден кийин 3 айдын ичинде алардын туугандары изделип, багып алуу маселеси чечилет. Көбүнчө ден соолугунун мүмкүнчүлүгү чектелген балдарды туугандары да алгылары келбейт. Мындай балдар абалына жараша атайын балдар үйлөрүнө жөнөтүлөт.

Кароосуз калган балдарды Орусиядан алып келүү иш-аракеттери 2011-жылдан бери өткөрүлүп келет. Ошондон бери жалпысынан 50 бала кыргыз жергесине кайтарылган",- деди адис.

Super.kg

Кыргызча

Өлкөдө 400 миңге жакын адам мамлекеттик жөлөкпул алат

Өлкөдө 2016-жылдын 1-мартына карата 382,8 миң адам мамлекеттик жөлөкпул алат. Бул тууралуу бүгүн, 25-мартта маалымат жыйынында эмгек жана социалдык өнүгүү министри Кудайберген Базарбаев билдирди. Анын айтымында, алардын басымдуу бөлүгүн же 301,4 миңин балдары бар, аз камсыз болгон үй-бүлөлөр түзөт. Бул көрсөткүч былтыркы жылдын ушул маалына салыштырганда 2 пайызга азайды.

"Ай сайын мамлекеттик жөлөкпулду алуучу ден соолугунун мүмкүнчүлүгү чектелгендердин саны 81,4 миң адамды түзөт. 2015-жылдын 1-июлунан тарта балдары бар, аз камсыз болгон үй-бүлөлөргө берилчү кепилденген минималдык кирешенин көлөмү 705 сомдон 810 сомго чейин көбөйтүлдү. Жыл башынан бери 910,4 миллион сомго жөлөкпул берилди. Алардын 510,5 миллион сому балдары бар, аз камсыз болгон үй-бүлөлөргө жана 399,9 миллион сом ден соолугунун мүмкүнчүлүгү чектелген жарандарга берилген",- деди министр.

Super.kg

Кыргызча

Эмгек жана социалдык өнүгүү министрлигинин кызматкерлери ишембиликке чыгышты

Эмгек жана социалдык өнүгүү министрлигинин кызматкерлери 12-мартта ишембиликке чыгышты. Мекемеден билдиришкендей, аппарат кызматкерлерин министр Кудайберген Базарбаев жетектеп, министрликке караштуу аймакты тазалашты.

"Бүгүнкү ишембиликке борбордук аппараттын кызматкерлери эле эмес, министрликтин түзүмдүк бөлүмдөрүндө иштегендер да чыгышты. Алар дагы өздөрүнүн мекемесине тийиштүү аймактарды тазалап, имараттарын жыйнап, иретке келтирип жатышат",- деди Базарбаев.

Белгилей кетсек, бүгүн борбор калаадагы Ботаникалык бакчада президент, премьер-министр, спикер баштаган жогорку бийлик органдарынын кызматкерлеринин катышуусунда массалык ишембилик өтүүдө.

Super.kg

Кыргызча

КР Эмгек жана социалдык өнүгүү министри Кудайберген Базарбаев: Калктык көйгөйүн билип аны чечүү үчүн дайыма аймактарга чыгып турам

 

Кыргызча

Республикалык протездик-ортопедиялык буюмдар мекемеси бир жуманын ичинде 120 жуп ортопедиялык бут кийимин, 45 даана протездик-ортопедиялык буюмдарын чыгарган

Республикалык протездик-ортопедиялык буюмдар мекемесинин медициналык бөлүмү  бир жуманын ичинде 198 ден-соолугунун мүмкүнчүлүгү чектелген адамдарга кызмат көрсөтүштү. Бул тууралуу Эмгек жана социалдык өнүгүү министрлигинин басма сөз кызматы маалымдайт.

Протездик-ортопедиялык буюмдарына муктаж болуп тапшырык кылгандар жалпысынан 125 жаран. Анын ичинен  2 жаран биринчи жолу протезге муктаж болсо, 15 жаран протезге муктаж болгондор, ортопедиялык бут-кийимге 74 жаран, ал эми калган 34 жаран ортопедиялык батек жана корсет-бандаж  буюмдарына муктаж болгондор.

Айтылган мекемеде 120 жуп ортопедиялык бут кийими, 45 даана протездик-ортопедиялык буюмдары иштелип чыгарылган.

Кыргызча

“Кыргыз Республикасындагы социалдык коргоо” программасы боюнча макулдашуу ратификацияланды

Кыргыз Республикасынын Президенти Алмазбек Атамбаев “2015-жылдын 27-мартында Брюссель шаарында кол коюлган “Секторду реформалоого келишим – Кыргыз Республикасындагы социалдык коргоо” программасы боюнча кыргыз мамлекети менен Евробиримдиктин ортосундагы каржылык макулдашууну ратификациялоо жөнүндө” мыйзамга кол койду.

Документ Жогорку Кеңеш тарабынан 2016-жылдын 20-январында кабыл алынган.

Европа биримдигинин “Секторду реформалоого келишим – Кыргыз Республикасындагы социалдык коргоо” программасы өлкөнүн секторалдык саясатына жана стратегияларына ылайык натыйжалуу социалдык коргоо системин өнүктүрүүнү колдоо аркылуу социалдык адилеттүүлүккө жетишүүгө багытталган.

Мыйзам расмий жарыяланган күндөн тартып күчүнө кирет.

 

Super.kg

Кыргызча

Республикалык протездик-ортопедиялык буюмдар мекемесинин медициналык бөлүмү бир жуманын ичинде 261 ден-соолугунун мүмкүнчүлүгү чектелген адамдарга кызмат көрсөтүштү

Республикалык протездик-ортопедиялык буюмдар мекемесинин медициналык бөлүмү  бир жуманын ичинде 261 ден-соолугунун мүмкүнчүлүгу чектелген адамдарга кызмат көрсөтүштү.  Бул тууралуу Министрликтин басма сөз кызматы маалымдайт.

Протездик-ортопедиялык буюмдарына муктаж болуп тапшырык кылгандар жалпысынан 96 жаран, анын ичинен  3 жаран биринчи жолу протезге муктаж болгондор, 10 жаран протезге, ортопедиялык бут-кийимге 95 жаран, калган 46 жаран ортопедиялык батек жана корсет-бандаж  буюмдарына.

Мекеме бир жуманын аралыгында 146 жуп ортопедиялык бут кийим, 64 даана протездик-ортопедиялык буюмдары иштеп чыккан.

Кыргызча

Токтогулда дааратканага ташталган балага тайэнеси камкорчу болду

Токтогулда дааратканага ташталган балага тайэнеси камкорчу болду. Бул тууралуу Социалдык өнүгүү министрлигинен билдиришти.

Маалыматка ылайык, учурда ымыркайын таштаган эне баласы менен ооруканадан чыгарылган. “Үй-бүлөгө атайын соцкызматкер бекитилген. Ал бала кандай багылып жатканына көңүл буруп турат. Эгерде мыйзам бузуучулук болсо тиешелүү чара көрүлөт”,-деп билдиришти министрликтен.

Эске сала кетсек, 27-январда саат 21:30да Токтогулдагы коомдук дааратканадан уул бала табылган. Дааратканадан баланын ыйы угулуп жатканын жергиликтүү тургундар угушуп, укук коргоо органдарына билдиришкен. Көп узабай “күкүк эне” кармалып, ден-соолугунун начар болгонуна байланыштуу ооруканага жаткырылган. Ага карата кылмыш иши козголгон эле.

Булак:Каганат

Кыргызча

Мүмкүнчүлүгү чектелгендерди жумуш менен камсыз кылуу тапшырмасы берилди

10-февралда, Кыргыз Республикасынын Премьер-министри Темир Сариев Социалдык өнүктүрүү министри Кудайберген Базарбаевди жана Мамлекеттик Миграция кызматынын төрагасы Бактыбек Адыловду кабыл алды.

Жолугушууда аталган мамлекеттик органдардын аткарган иштери жана 2016-жылга карата пландар талкууланды.

Премьер-министр Темир Сариев Өкмөттүн негизги милдеттердин бири  жарандарды социалдык коргоого алуу экенин  белгилеп, бул жаатта бир катар тапшырмалар турганын билдирди.

Учурда республикалык бюджеттин 52 пайызы социалдык багытка каралган. Бул каражаттын эффективдүүлүгү жана даректүүлүгүн жогорулатуу боюнча көзөмөлдү күчөтүү керек. Мамлекеттин көрсөткөн жардамы чынында муктаж болгон адамдарга сезилээрлик деңгээлде болушу керек», – деди Темир Сариев.

Премьер-министр калктын аялуу катмарларына, балдарга жана кары-картаңдарга даректүү жардам көрсөтүүдө Социалдык өнүктүрүү министрлиги ачык-айкындыкты камсыз кылып, тартипке салууну тапшырды.

Ошондой эле Темир Сариев ден соолугуна байланыштуу мүмкүнчүлүгү чектелген жарандарды тиешелүү жумуш менен камсыз кылуу жана аларга шарт түзүү жаатындагы иштерди күчөтүү боюнча тапшырма берди.

Кыргызча

Тогуз-Торо райондук социалдык ɵнʏгʏʏ башкармалыгынын 2015-жылга карата социалдык төлөмдөрү

Тогуз-Торо райондук социалдык ɵнʏгʏʏ башкармалыгында аз камсыз болгон балдары бар 912 ʏй-бʏлɵнʏн ай сайын 2464 балдарына жыл башынан бери 25761,8 мин сом, 210 жаны тɵрɵлгɵн балдар ʏчʏн 460,2 миң сом, 637 социалдык жɵлɵкпул алуучуга  23325,7 миң сом чектелген. Башкармалык тарабынан айыл ɵкмɵттɵʏ тарабынан ай сайын сунушталган аз камсыз болгон балдары бар ʏй бʏлɵлɵргɵ жана жɵлɵкпул алууга керектелʏʏчʏ тактамаларды берген ишканаларга  кайчылаш текшерʏʏлɵр жʏргʏзʏлʏп,  даректʏʏлʏгʏк  кʏчɵтʏлгɵн, ошондой эле  КР Социалдык ɵнʏгʏʏ министрлиги жана КР Социалдык фонду ортосундагы Кызматташуу тууралуу макулдашууну ишке ашыруу боюнча райондук соц.фонд мекемесине социалдык жɵлɵкпул алуучулардын пенсияга укуктуулугун сурап 6 ай сайын тизме жɵнɵтʏлʏп турат, натыйжада ɵткɵн 2014-ж. менен салыштырмалуу аз камсыз болгон ʏй-бʏлɵлɵр 73 уй-бʏлɵгɵ, 177 балага, жаны тɵрɵлгɵн балдар 16 балага,  социалдык жɵлɵкпул алуучулар 28 алуучуга, суммасы 238,1 миң сомго азайды. Ал эми, аз камсыз болгон балдары бар уй-бʏлɵнʏн бир жылга керектелген жɵлɵкпулдун суммасы ɵткɵн жыл менен салыштырмалуу 4802,1 сомго кɵп, себеби КРѲ нʏн 05.08.2015-ж. №217 токтомунун негизинде керектɵɵнʏн гарантияланган минималдуу ɵлчɵмʏ 810 сомго кɵбɵйгɵндʏктɵн, ар бир жɵлɵкпул алуучунун керектелʏʏчʏ суммасы 230-240 сомго чейин кɵбɵйдʏ, мурда 1 балага орто эсеп менен 713 сом тɵлɵнсɵ, азыр 950 сом тɵлɵнʏʏдɵ.

Кыргызча

Pages